Young Grace yatangiye kwigisha kudoda

Yanditswe na

Kalinda Brendah

Kuya 21 Mutarama 2015 saa 05:23
Yasuwe :
0 0

Umuraperi Young Grace yatangiye kwigisha urubyiruko kudoda ndetse anakangurira urungano rwe gukura amaboko mu mifuka bakihangira imirimo ibateza imbere.
Uyu muhanzi yabwiye IGIHE ko intego nyamukuru yo kwigisha urubyiruko rugenzi rwe yabikoze agamije gushakira ubufasha abadafite akazi ndetse no kwigisha abari mu biruhuko imirimo ishobora kubafasha kwiteza imbere, bakanakurana umutima wo kudategereza ak’imuhana ahubwo bagahanga imirimo.
Ku ikubitiro, uyu muraperi yatangiranye n’abakobwa (...)

Umuraperi Young Grace yatangiye kwigisha urubyiruko kudoda ndetse anakangurira urungano rwe gukura amaboko mu mifuka bakihangira imirimo ibateza imbere.

Uyu muhanzi yabwiye IGIHE ko intego nyamukuru yo kwigisha urubyiruko rugenzi rwe yabikoze agamije gushakira ubufasha abadafite akazi ndetse no kwigisha abari mu biruhuko imirimo ishobora kubafasha kwiteza imbere, bakanakurana umutima wo kudategereza ak’imuhana ahubwo bagahanga imirimo.

Ku ikubitiro, uyu muraperi yatangiranye n’abakobwa umunani ari guhugura mu bijyanye no kudoda . Aba banyeshuri abigisha nta kiguzi gusa nibo yitezeho inyungu kuko nibamara gucengerwa n’ibyo abigisha azatangira gukorana na bo bashakishe amafaranga.

Ubumenyi bwo kudoda Young Grace yabukomoye kuri nyirakuru na we wari umudozi ukomeye. Yanze kwihererana ubumenyi yahawe na nyirakuru ahitamo kubusangiza bagenzi be ahereye ku bafana n’abakunda indirimbo ze babana na we bya hafi.

Young Grace yagize ati, “Kudoda ni ibintu nigishijwe na nyogokuru wanjye, nifuje gusangiza ubwo bumenyi urubyiruko ndetse nkanabakangurira kwihangira imirimo. Kuri ubu natangiranye n’abakobwa umunani kandi nizeye ko ari bo bazajya bamfasha gukorera amafaranga igihe nzajya mba mfite abakiriya benshi”.

Uyu muraperi yakomeje asobanura ko kwigisha urubyiruko kudoda ari bimwe mu bikorwa yizeye ko bizamuteza imbere kuko nyuma y’ubumenyi azaba amaze kubaha azabahuriza hamwe bajye badodera abantu bityo agire inyungu ifatika abivanamo ndetse nabo bagire icyo binjiza ku mufuka.

Uretse kuba yinjiye mu mwuga w’ubudozi, Young Grace yavuze ko ari uburyo bwiza buzamufasha guteza imbere umuziki kuko azajya afasha abahanzi bagenzi be mu bijyanye n’imyambarire.

Uyu mukobwa kandi ngo agiyegukora uko ashoboye yagure isoko rye mu kwambika abahanzi bagenzi be haba mu bitaramo cyangwa mu mashusho y’indirimbo. Ngo afite ubumenyi bwamubashisha kudodera buri muntu icyo yifuza.

Yagize ati “Burya umuziki n’imideli bifitanye isano kuko iyo uri umunyamuziki ugomba kugaragara mu myambaro myiza kandi y’umwimerere, ni muri ubwo buryo rero niteguye no kujya mfasha abahanzi bagenzi banjye mu bijyanye n’imyambaro haba mu bitaramo runaka cyangwa mu ikorwa ry’amashusho y’indirimbo zabo”.

Young Grace yaboneyeho gukangurira urubyiruko kwihangira imirimo bakavana amaboko mu mifuka ndetse anabasaba kutajya bahora bateze amaboko kuko iterambere ry’umuntu rituruka kuri we.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza