Kwamamaza

Imyambarire idasanzwe mu mashusho y’indirimbo ‘Call Me’ ya Urban Boyz

Yanditswe kuya 15-11-2016 saa 15:24' na Munyengabe Murungi Sabin


Abahanzi Safi, Nizzo na Humble Jizzo bagize itsinda rya Urban Boyz bashyize hanze amashusho y’indirimbo bise ‘Call Me’ irimo imyambarire yakanyujijeho mu bihe byo hambere.

Indirimbo Call Me yakorewe mu Rwanda mu buryo bw’amajwi ariko amashusho yayo yatunganyijwe na Producer ukomeye muri Uganda witwa M Grate Pest wakoze ‘Sitya Loss’ ya Eddy Kenzo, uyu ni na we wakoze ‘Yawe’ y’iri tsinda nayo yakunzwe cyane.

Mu mashusho ya ‘Call Me’, Safi, Nizzo na Humble Jizzo bigaragaza mu myambarire yakanyujijeho mu myaka yo mu 1970, bambara udupantaro tubafashe cyane bakanatebeza ubundi bakarenzaho amaburuteri. Inyogosho bafite muri iyi ndirimbo nazo zerekana uburyo abasore bazi ibigezweho batunganyaga imisatsi mu bihe bya kera.

Muri iyi ndirimbo kandi bakoreshejemo ibikoresho by’itumanaho nka telefone zitakiboneka ku isoko n’ibindi biteye amatsiko ku muntu wavutse nyuma y’ikendera ry’iyi myambarire.

Safi Madiba yabwiye IGIHE ko kuba barakoresheje iyi myambarire n’ibikoresho byo hambere mu ndirimbo yabo, ngo bashakaga ‘gukora icyatuma abakunzi b’umuziki wabo babona umwihariko wa Urban Boyz’.

Yanavuze ko kuba barakoranye na Producer Grate Pest bizeye ko iyi ndirimbo yabo izabageza ku rwego rwisumbuyeho. Yagize ati ‘Pest ni we wadukoreye ‘Yawe’, asanzwe akora video zitari mbi, ni na we wakoze Sitya Loss ya Eddy Kenzo, uko byagenda kose bizadufasha mu buryo butandukanye.”

Aba bahanzi basohoye aya mashusho mu gihe bitegura kumurika album ya Gatandatu ryise ‘Adamu na Eva’, mu gitaramo gikomeye kizabera mu Mujyi wa Huye aho batangiriye umuziki mu myaka umunani ishize.

Album izaba igizwe n’indirimbo icumi z’indobanure, zizaba ziganjemo izifite amazina n’amwe mu magambo yiganjemo ayo mu rurimi rw’Icyongereza.

Igitaramo cy’umusogongero wa album ‘Adamu na Eva’ kizabera muri People Club ku Kacyiru kuwa 2 Ukuboza 2016 naho icyo kuyishyira hanze kibe kuwa 3 Ukuboza 2016 mu Mujyi wa Huye.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved