Impinduka mu mikorere y’abagize itsinda rya TNP

Yanditswe na

Kate Katabarwa

Kuya 14 Werurwe 2014 saa 05:00
Yasuwe :
0 0

Nyuma y’imyaka ine bakora, itsinda rya TNP bafite gahunda yo guhindura imikorere yabo bagashyiramo imbaraga ndetse bagashyikiriza abakunzi ibihangano byinshi bigizwe n’amashusho ari ku rwego mpuza mahanga.
Baganira na IGIHE, TNP batangaje ko bakomeje kugira imbogamizi z’amasomo cyane cyane ko umwe muri bo ‘Tracy’ yari akiga mu mashuri yisumbuye , Nicolas ari mu mahanga ndetse na Passy amasomo ya kaminuza atamworoheye.
Gusa ngo bisa nk’aho biri gukemuka kuko Tracy yarangije amashuri yisumbuye, (...)

Nyuma y’imyaka ine bakora, itsinda rya TNP bafite gahunda yo guhindura imikorere yabo bagashyiramo imbaraga ndetse bagashyikiriza abakunzi ibihangano byinshi bigizwe n’amashusho ari ku rwego mpuza mahanga.

Abagize itsinda rya TNP.

Baganira na IGIHE, TNP batangaje ko bakomeje kugira imbogamizi z’amasomo cyane cyane ko umwe muri bo ‘Tracy’ yari akiga mu mashuri yisumbuye , Nicolas ari mu mahanga ndetse na Passy amasomo ya kaminuza atamworoheye.

Gusa ngo bisa nk’aho biri gukemuka kuko Tracy yarangije amashuri yisumbuye, Nicolas akagaruka mu Rwanda ndetse na Paccy nawe akaba ari mu mwaka wa nyuma wa Kaminuza, bityo bakaba bagiye guha umwanya umuziki kuko ari umwuga wabo kandi bawukunda.

TNP bongeye kuba batatu nyuma y'aho Nicolas wari mu Bubiligi agarukiye mu Rwanda.

Kugeza ubu TNP bamaze gushyira hanze Indirimbo 12 zizaba ziri kuri album yabo ya mbere bateganya kumurika uyu mwaka. Izaba igizwe n’indirimbo 14.

Aba basore kandi bamaze no gushyira hanze amashusho y’indirimbo ‘Ndamubonye’ bakoreye muri Uganda. Nk’uko aya mashusho abigaragaza, itsinda TNP ryabashije gukora amashusho meza kandi agezweho.

Aba basore kandi bavuga ko bagiye kuzajya bakora indirimbo bagahita basohora n’amashusho yayo mu rwego rwo kunezeza amafana ababo bihagije.

TNP yagiye imenyeka mu ndirimbo zabo zakunzwe nka ‘Kamucerenge’, ‘Ndamburiraho ibiganza’ bakoranye na Knowless n’izindi.

Reba amashusho y’ indirimbo nshya ya TNP ‘Ndamubonye’:

)


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza