Kwamamaza

Peace na Jody Phibi basohoye amashusho y’indirimbo ‘Turajyanye’ bahuriyemo

Yanditswe kuya 10-09-2016 saa 09:03' na IGIHE


Abahanzi bafite amajwi yumvikanamo ubuhanga mu miririmbire, Peace Jolis na Jody bashyize hanze amashusho y’indirimbo ‘Turajyanye’ bakoranye mu mwaka wa 2015.

‘Turajyanye’ ni indirimbo y’urukundo iri mu njyana ya RnB, yakozwe na Producer David muri Future Records. Iyi yasohotse mu buryo bw’amajwi mu mezi arindwi ashize, aba bahanzi bayikoreye amashusho bitinze kubera inzitizi zimwe na zimwe bagize bahura na zo.

Mu kiganiro na Peace Jolis yagize ati “Urumva iyi ndirimbo twayikoze kera, hari hashize igihe iri hanze, abantu barayishimiye cyane ikijya hanze ariko bahoraga batwishyuza amashusho yayo.”

Yongeyeho ati “Ntabwo ari twe twifuje ko ijya hanze bitinze, ni ibibazo byagiye bizamo, twashakaga aho kuyikorera ugasanga hajemo utubazo ntihaboneke ku buryo twanze kuyikorera ahantu hatameze neza kuko twifuzaga ko yazasohoka imeze neza.”

Peace yavuze ko iyi ndirimbo itari ku rutonde rw’izigize album ya mbere ari gutunganya, ngo yayikoranye na Jody nk’umushinga bifuje guhuriramo bombi. Ati “Ntabwo nzayishyira kuri album yanjye, nayikoze nk’indirimbo twahuriyemo twembi bisanzwe.”

Uyu muhanzi yavuze ko afite indi mishinga y’indirimbo yakoranye n’umwe mu bahanzi bakomeye azashyira hanze mu gihe cya vuba. Jody na we yavuze ko yiteguye gushyira hanze amashusho y’indirimbo nshya aheruka gusohora yitwa ‘Birandenga’.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 28 Ukwakira 2016
Copyright © 2009 -2014 - IGIHE Ltd - All Rights Reserved