Paccy n’abatuye Nyakabanda bakoze umuganda wo kubakira umuryango utishoboye

Yanditswe na Munyengabe Murungi Sabin
Kuya 2 Ukuboza 2014 saa 10:42
Yasuwe :
0 0

Uzamberumwana Pacifique benshi bazi nka Oda Paccy yifatanyije n’abaturage mu muganda rusange w’ukwezi bubaka umuhanda ndetse babumba amatafari yo kubakira umwe mu basenyewe n’imvura utishoboye.
Oda Paccy yagize igitekerezo cyo kwifatanya n’abaturange muri iki gikorwa biturutse ku bafana be bifuje ko yagira uruhare mu gutanga umusanzu we mu gukemura ibibazo bya bamwe mu batishoboye.
Mu kiganiro Paccy yagiranye na IGIHE yagize ati, “ Ni abafana banjye bangejejeho icyo gitekerezo numva ni byiza (...)

Uzamberumwana Pacifique benshi bazi nka Oda Paccy yifatanyije n’abaturage mu muganda rusange w’ukwezi bubaka umuhanda ndetse babumba amatafari yo kubakira umwe mu basenyewe n’imvura utishoboye.

Oda Paccy yagize igitekerezo cyo kwifatanya n’abaturange muri iki gikorwa biturutse ku bafana be bifuje ko yagira uruhare mu gutanga umusanzu we mu gukemura ibibazo bya bamwe mu batishoboye.

Mu kiganiro Paccy yagiranye na IGIHE yagize ati, “ Ni abafana banjye bangejejeho icyo gitekerezo numva ni byiza nanjye nifatanya na bo dutegura gukorana umuganda n’abaturage ndetse twaje no gufasha umusaza n’umukecuru baba mu mudugudu twari twagiyemo kuko batishoboye”.

Paccy n’abafana be bahuriye mu itsinda bise ‘Indangamirwa’ babumbye amatafari yo kubakira uyu musaza n’umukecuru, bamusigira ibikoresho by’ibanze birimo amasabune, umunyu, isukari n’ibindi bikoresho nkenerwa byoroheje.
Paccy yakomeje ashimira abafana be bafite umutima wo gufasha ndetse abizeza ko igihe cyose bazakenera ubufasha buturutse kuri we azabashyigikira.
Ati, “Icyambere ni umutima umwiza, hari urukundo bafite rubahuriza kuri Paccy hari n’umutima ufasha bafite bifuza ko hari aho watugeza nk’Abanyarwanda”.

Umutima wo gufasha abatishoboye ntibisaba ibya mirenge ahubwo bisaba ko wumva ko ari inshingano maze n’uduke ufite ukadusangira n’abandi nkuko Paccy yabisobanuye.

Kuwa 29 Ugushyingo 2014 banogeje umugambi maze bakora umuganda bafatanyije n’abaturange ba Nyakabanda ya kabiri mu Mudugudu w’Ubuhoro, bubaka umuhanda wangijwe n’imvura ndetse babumba n’amatafari azakoreshwa mu kubakira umuturange wasenyewe.

Nyuma y’iki gikorwa Paccy yadutangarije ko hari n’ibindi byinshi agiye gutegura afatanyije n’abafana be kugira ngo barusheho kwereka Abanyarwanda cyane cyane abatishoboye umutima w’urukundo ndetse no gufasha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza