Nyuma yo gushyingirwa nibwo Abafaransa bagiye gusaba no gukwa Miss Shanel

Yanditswe na Munyengabe Murungi Sabin
Kuya 23 Ukwakira 2014 saa 11:34
Yasuwe :
0 0

Umuryango wa Nirere Ruth benshi bazi ku nka Miss Shanel mu muziki witeguye kwakira inkwano zizatangwa n’Abafaransa bo mu muryango wa Guillaume Favier umaze amezi abiri arushinganye n’uyu muhanzi.
Imihango yo gusezerana imbere y’Imana hagati ya Shanel na Guillaume Favier yabereye mu Mujyi wa Paris mu Bufaransa kuwa Gatandatu tariki 2 Kanama 2014. Nyuma yo kurushinga, Miss Shanel yari yabwiye IGIHE ko agomba kuza kwereka Abanyarwanda umukwe wabo mu mpera z’uyu mwaka ari nabwo azaba aje gusaba (...)

Umuryango wa Nirere Ruth benshi bazi ku nka Miss Shanel mu muziki witeguye kwakira inkwano zizatangwa n’Abafaransa bo mu muryango wa Guillaume Favier umaze amezi abiri arushinganye n’uyu muhanzi.

Imihango yo gusezerana imbere y’Imana hagati ya Shanel na Guillaume Favier yabereye mu Mujyi wa Paris mu Bufaransa kuwa Gatandatu tariki 2 Kanama 2014. Nyuma yo kurushinga, Miss Shanel yari yabwiye IGIHE ko agomba kuza kwereka Abanyarwanda umukwe wabo mu mpera z’uyu mwaka ari nabwo azaba aje gusaba no gutanga inkwano mu muryango kabone nubwo bamaze kurushinga.

Kuri uyu wa Gatandatu tariki ya 25 Ukwakira nibwo umuryango wa Maryline Devouassoud na Jean René Favier uzaza mu Rwanda gusaba no gukwa Miss Shanel nk’uko bigaragara ku mpapuro z’ubutumire.

Muri uyu muhango wo gusaba no gukwa Miss Shanel, umuryango we uzaboneraho umwanya wo guhekera uwa Maryline Devouassoud na Jean René Favier. Iyi mihango izabera i Masaka guhera saa saba z’amanywa.

Bamwe mu bavandimwe n'inshuti za Shanel zatashye ubukwe bwabereye i Burayi

Kuwa 14 Ukuboza 2013 nibwo Miss Shanel avuga ko ari bwo yasezeranyije umukunzi we kuzamubera umugore nawe akazamubera umugabo. Iri sezerano rikaba ryasohojwe ku itariki ya 2 Kanama 2014 ubwo basezeranaga kuzabana akaramata none bagiye kubishimangira imbere y’imiryango yombi.

Miss Shanel na Favier

Miss Shanel yakundanye na Guillaume ubwo uyu mugabo yabaga mu Rwanda akora imirimo ifite aho ihuriye na muzika.

Mu mwaka wa 2012, Miss Shanel yaje kubona amahirwe yo kujya kwiga mu Bufaransa ibijyanye na muzika kuri ubu yanamaze kurangiza amasomo. Kwiga mu Bufaransa byaje gutuma arushaho kunoza ubucuti bwe na Guillaume ari naho yaje kumwemerera ko bazabana none bibaye impamo.

Shanel na Favier baje gusangiza Abanyarwanda ibyishimo by'urugo rwabo

Nyuma yo kurangiza amasomo y’umuziki, Nirere Ruth arashimira ishuri yigagamo rya ATLA, abo yahuriyemo nabo by’umwihariko Alexandra Igoile ; Romain ; Anne Barat ; Florian B. Flipreud ; Jefferson ; Juliette Max Moro ; Marc na Gilles Erhart.

Mu minsi yashize Shanel yari yatangaje ko akumbuye u Rwanda . Agiye kuhamagara igihe gikabakaba ukwezi

Miss Shanel yamenyekanye mu buhanzi butandukanye cyane cyane muzika. Gusa yagiye anagaragara mu gukina filime, ikinamico no kuvuga imivugo. Mu ndirimbo azwi muri ’Ndarota’, Ubufindo n’izindi. Muri filime yakinnye harimo iyitwa “Le jour où Dieu est parti en voyage” ivuga kuri Jenoside yakorewe Abatutsi mu Rwanda.

Reba amafoto y’ubukwe bwa Shanel na Favier


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza