Miss Shanel yatangiye kubyaza umusaruro umuziki yize mu Bufaransa

Yanditswe na Munyengabe Murungi Sabin
Kuya 6 Nzeri 2014 saa 01:13
Yasuwe :
0 0

Nyuma yo kurangiza amasomo ya muzika mu ishuri rya Centre d’Études Superieures Musique et Danse de Poitou-Charentes, umuhanzikazi Nirere Shanel yatangiye guhugura abahanzi bo mu Bufaransa mu bijyanye n’amajwi.
Mu kiganiro Nirere Shanel yagiranye na IGIHE, yatangaje ko uretse aka kazi yatangiye ko gutanga amasomo mu by’amajwi(vocal coaching) ku bahanzi babigize umwuga n’abatarabigize umwuga, ngo yanamaze kubona itsinda ry’abacuranzi bazajya bamufasha mu bitaramo.
Nirere Shanel ati “Inaha mu (...)

Nyuma yo kurangiza amasomo ya muzika mu ishuri rya Centre d’Études Superieures Musique et Danse de Poitou-Charentes, umuhanzikazi Nirere Shanel yatangiye guhugura abahanzi bo mu Bufaransa mu bijyanye n’amajwi.

Mu kiganiro Nirere Shanel yagiranye na IGIHE, yatangaje ko uretse aka kazi yatangiye ko gutanga amasomo mu by’amajwi(vocal coaching) ku bahanzi babigize umwuga n’abatarabigize umwuga, ngo yanamaze kubona itsinda ry’abacuranzi bazajya bamufasha mu bitaramo.

Nirere Shanel ati “Inaha mu bufaransa namaze kubona abacuranzi tuzajya dukorana mu bitaramo ndetse no mu gutegura album yanjye ya kabiri. Ikindi ni uko natangiye akazi ka vocal coaching(guhugura abahanzi mu by’amajwi) haba abaririmba batarabigize umwuga n’aba professionals kuri scène(ku rubyiniro) cyangwa mu gihe bategura albums zabo.”

Uyu muhanzikazi unaherutse kurushinga, azagera mu Rwanda ku itariki ya 13 Nzeri 2014. Mu bikorwa ateganya kuzahakorera harimo gusura ishuri ry’umuziki ryo ku Nyundo, gukora ibitaramo, guhugura bamwe mu bahanzi nyarwanda mu bijyanye n’amajwi n’ibindi.

Ati “Hari igitaramo nzaririmbamo kizabera kuri Mille Collines ku itariki 20 Nzeri. Nzajya no gusura ishuri rya muzika ryo ku Nyundo."

Nirere Shanel aherutse kurushingana na Guillaume Favier

Akomeza agira ati " Ndifuza gukorana n’abahanzi batandukanye mu bijyanye na technique vocale. Nzagerageza kubyaza umusaruro igihe gito nzaba mfite.”

Muri 2012 Nirere Shanel yabonye amahirwe yo kwiga muri Centre d’Études Superieures Musique et Danse de Poitou-Charentes (CESMD), nyuma yo kugaragaza ubuhanga mu masomo ya muzika yaherewe i Kigali n’Umudage witwa Jacques-Greg Belobo. Yabonye umwanya wa mbere bimuhesha Buruse yo kujya kuminuza muri muzika mu Bufaransa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza