Miss Shanel agiye kurongorwa

Yanditswe na
Kuya 21 Werurwe 2014 saa 07:27
Yasuwe :
0 0

Nirere Ruth umuhanzikazi uzwi nka Miss Shanel agiye kwambikana impeta n’umukunzi we Guillaume Favier Umufaransa bamaranye iminsi bakundana. Amakuru yaturukaga mu nshuti za hafi z’aba bombi yari yatangiye guhwihwisa ko Miss Shanel ashobora gushinga urugo mu mpeshyi y’umwaka wa 2014.
Mu kiganiro ku murongo wa telefoni, Miss Shanel kuri ubu uri mu Bufaransa aho ari gukurikirana amasomo y’umuziki, yatangarije umunyamakuru wa IGIHE ko ari impamo ateganya kurushinga muri uyu mwaka wa 2014.
Kuwa 25 (...)

Nirere Ruth umuhanzikazi uzwi nka Miss Shanel agiye kwambikana impeta n’umukunzi we Guillaume Favier Umufaransa bamaranye iminsi bakundana.

Miss Shanel agiye kurongorwa na Guillaume Favier.

Amakuru yaturukaga mu nshuti za hafi z’aba bombi yari yatangiye guhwihwisa ko Miss Shanel ashobora gushinga urugo mu mpeshyi y’umwaka wa 2014.

Mu kiganiro ku murongo wa telefoni, Miss Shanel kuri ubu uri mu Bufaransa aho ari gukurikirana amasomo y’umuziki, yatangarije umunyamakuru wa IGIHE ko ari impamo ateganya kurushinga muri uyu mwaka wa 2014.

Kuwa 25 Ukwakira 2014, umunsi umwe mbere y’isabukuru y’amavuko ya Nirere Ruth bita Miss Shanel, nibwo azambikana impeta na Guillaume Favier bamaze kwemeranya kuzabana akaramata. Ubu bukwe bukazabera mu Rwanda.

Kuwa 14 Ukuboza 2013 nibwo Miss Shanel avuga ko yasezeranyije umukunzi we kuzamubera umugore nawe akazamubera umugabo. Iryo sezerano rikazasohorezwa mu Rwanda mu kwezi k’Ukwakira.

Umunsi Shanel avuga ngo: "Ndemeye"

Aganira na IGIHE, Shanel yabajijwe aho bakundaniye na Guillaume n’icyatumye ariwe ahitamo mu basore bose yaba yarahuye nabo.

Miss Shanel ati: “Twamenyaniye mu Rwanda mu bikorwa bifite aho buriye n’umuziki ariko si icyo namukundiye. Byaranshimishije guhura n’umuntu mbona duhuje byinshi, twiyumvanamo cyane.”

Miss Shanel akomeza avuga ko yumva ashimishijwe n’iyi ntambwe agiye gutera akubaka urugo. Ati: “nabyakiriye neza, birashimishije guhura n’umuntu muhuje, mwumvikana biruta byose.”

Asabwe kugira icyo avuga ku bahanzi usanga batinda gushaka cyangwa ntibanabikozwe, Miss Shanel yatangaje ko icyo waba uricyo cyose bitagomba kukubuza izindi nshingano karemano usabwa n’umuryango mugari.

Ati: “Ku birebana n’abahanzi badakunda kubaka ingo, numva icyo naba ndi cyo cyose bitagomba kumbuza inshingano zindi zirebana nanjye bwite nko gushaka n’ibindi…”

Guillaume Favier, umusore wigaruriye umutima wa Miss Shanel

Uyu muhanzikazi uri mu Bufaransa ku mpamvu zo kwiga, ngo amasomo arimo arateganya kuyasoza muri Kamena 2014, gusa akaba anakomeje ibikorwa bya muzika.

Kimwe mu bikorwa byegereje ari gutegura, Miss Shanel yavuze ko ari igitaramo kiri mu rwego rwo kwibuka Jenoside yakorewe Abatutsi muri Mata 1994, igikorwa cyateguwe n’umuririmbyi Gael Faye mu Bufaransa kikazaba kuwa 11 Mata 2014.

Shanel uvuga ko amaze kungukira byinshi mu Bufaransa, aranateganya kuzajya kuririmba muri UNESCO mu rwego rwo kwibuka. Aha akazaba ari kumwe na Kamanzi, Ben kayiranga n’abandi.

Ubwo yari asabwe kugira ijambo atangariza abakunzi ba muzika ye bari mu Rwanda, Miss Shanel yagize ati: “Ndabakunda cyane”.

Miss Shanel wavutse kuwa 26 Ukwakira 1985, azwi mu Rwanda nk’umuririmbyikazi wabigize umwuga. Azwi kandi mu gukina ikinamico na filimi. Uyu mukobwa yaririmbye indirimbo nka ’Ndarota’, Ubufindo, Uniguse’, ’Nakutaka’ n’izindi.

Miss Shanel azwi cyane mu buhanzi bw'indirimbo, akanagira ijwi rikundwa na benshi.

Reba Ndarota ya Miss Shanel:

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza