Kwamamaza

Meddy yasoje urugendo rw’ibitaramo yakoreye muri Canada (Amafoto)

Yanditswe kuya 16-08-2016 saa 12:50' na Munyengabe Murungi Sabin


Meddy yakoreye ibitaramo mu mijyi itatu ikomeye muri Canada, Ottawa, Montreal na Edmonton kuva kuwa 6 Kanama kugeza kuwa 13 Kanama 2016, byitabiriwe n’abiganjemo Abanyarwanda n’Abarundi.

Muri iyi minsi Meddy aharawe mu Rwanda mu ndirimbo nshya yise ‘Ntawamusimbura’ iri mu za mbere zikunzwe ku maradiyo yose mu gihugu. Yari amaze igihe nabwo akunzwe mu yitwa ‘Burinde bucya’, ‘Nka Paradizo’ na ‘Sibyo yakoranye na Kitoko’.

Yageze muri Canada mu ntangiriro za Kanama 2016, yagiyeyo ku butumire bwa kompanyi itegura ibitaramo bikomeye muri iki gihugu yitwa Tarama Production. Yakoze ibitaramo bitatu byitabirwa ku buryo bukomeye.

Kuwa 6 Kanama yaririmbiye mu Mujyi wa Edmonton naho ku itariki ya 12 Kanama akorera igitaramo i Montreal gusa iki cyatangiye gikererewe cyane kubera imvura ikomeye yatumye abafana batinjirira igihe inica byinshi muri gahunda zari zateguwe.

Meddy ati “Nakoze ibitaramo bitatu, icya mbere cyabereye mu Mujyi wa Edmonton, nakurikijeho Montreal, nahasanze Abanyarwanda benshi bari baje kundeba, hajemo akabazo k’imvura yatumye bitagenda neza […] Nasoreje muri Ottawa, ho nasanze hari abantu benshi cyane bankunda kurusha uko ntabitekerezaga.”

Yongeraho ati “Mu baje muri iki gitaramo higanjemo Abarundi cyane, na bo banyeretse ko bakunda umuziki wanjye kuva ku ndirimbo za kera kugeza ku nshyashya nahimbye.”

Meddy yavuze ko agiye gufata ikiruhuko kigufi adakora ibitaramo hanyuma akazasubira muri Canada gukora ibindi bitaramo i Toronto. Nava muri Canada azakomereza mu bindi bihugu ahari umubare munini w’Abanyarwanda.

Ati “Gahunda ubu ni ibitaramo, ndashaka kuririmbira ahantu hose hari Abanyarwanda, ni benshi bantumira bansaba kujyayo […] Nzakurikizaho i Dubai no mu Bushinwa, naho hari communauté nini y’Abanyarwanda.”

Uyu muhanzi umaze imyaka itandatu muri Leta Zunze Ubumwe za Amerika yatangaje ko agiye kurangiza amashusho y’indirimbo ‘Ntawamusimbura’ nyuma agasohora izindi ndirimbo nshya.

Meddy mu Mujyi wa Montreal

Muri Ottawa yaririmbiye abiganjemo Abarundi

Meddy aririmba ’Ntawamusimbura’


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved