Kwamamaza

Meddy ntazitabira ibirori byo gutanga ibihembo bya MTV AMAs

Yanditswe kuya 20-10-2016 saa 11:30' na Munyengabe Murungi Sabin


Ngabo Médard Jobert [Meddy] uherutse gutoranywa mu bahatanira MTV Africa Music Awads[MAMAs] ntazagaragara mu birori byo gutanga ibi bihembo bigenerwa abahanzi bakomeye muri Afurika.

Urutonde ntakuka rw’abahanzi bari mu bihembo bya MAMAs rwasohotse kuri uyu wa 2 Ukwakira 2016, Meddy ukunzwe mu ndirimbo ‘Ntawamusimbura’ yabonetse mu cyiciro gishya cyongerewemo cya ‘Listener’s Choice Awards’ .

Yashyizwe mu cyiciro kimwe na Yamoto Band(Tanzania), Burna Boy (Nigeria), Adiouza (Senegal), Kansoul (Kenya), Meddy (Rwanda), Prince Kaybee (South Africa), Zaho (Algeria), Kiss Daniel (Nigeria), E.L (Ghana), Bebe Cool (Uganda), Latifa (Tunisia), Saad Lamjarred (Morocco), Tamer Hosny (Egypt), Jay Rox (Zambia), The Dogg (Namibia), Sidiki Diabate (Mali), Adiouza (Senegal), Den G (Liberia), Jah Prayzah (Zimbabwe), LIJ Michael (Ethiopia) na Messias Maroca (Mozambique).

Meddy yabwiye IGIHE ko ashobora kutazitabira ibirori byo gutanga ibi bihembo bizabera mu Mujyi wa Johannesburg muri Afurika y’Epfo kuko ngo yahuye n’ikibazo cy’uburwayi bituma atanoza ibiganiro n’ababiteguye.

Yagize ati “Ibihembo bya MTV na byo ni intambwe ikomeye igaragaza ko ubu tugiye kujya turushanwa n’abahanzi mpuzamahanga[…] Ibyo kujyayo kugeza ubu ntibiremezwa kubera ko naje kurwara imyiteguro igezemo hagati.”

Yavuze ko mu byo ari gutegura gushyira hanze harimo amashusho y’indirimbo ’Ntawamusimbura’ n’indi nshyashya yakoranye na Sauti Sol.

Abahanzi benshi bakomeye muri Afurika berekeje i Johannesburg kuri uyu wa 20 Ukwakira mu gihe ibihembo bizatangwa kuwa Gatandatu tariki ya 22 Ukwakira 2016.

Mu bamaze guhaguruka mu bihugu byabo harimo Eddy Kenzo, Bebe Cool, Ali Kiba, Yemi Alade, Harmonize, Flavour n’abandi bataratangazwa. Itsinda rya Sauti Sol rimaze iminsi muri Amerika naryo ryahagurutseyo ryerekeza muri Afurika y’Epfo, binateganyijwe ko umuraperi Future agomba kuva muri Amerika uyu munsi akajya kwitegura kuririmba muri ibi birori.

Bebe Cool yerekeje muri Afurika y'Epfo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved