Kwamamaza

Liza Kamikazi winjiye mu gakiza ashobora guhindura icyerekezo mu muziki

Yanditswe kuya 26-10-2016 saa 10:01' na Munyengabe Murungi Sabin


Umuririmbyi Umuhire Solange [Liza Kamikazi] uherutse kubatizwa ashobora guhindura icyerekezo akinjira mu bahanzi bakora umuziki w’indirimbo zihimbaza Imana.

Liza Kamikazi yakunzwe mu ndirimbo z’urukundo n’izivuga ku buzima busanzwe nka ‘Nkiri muto’, ‘Iyizire ft Mike’, ‘Kirenga’, ‘Rahira yaririmbanye na The Ben’ n’izindi nyinshi. Yaserukiye u Rwanda mu maserukiramuco akomeye y’umuziki gusa mu myaka ibiri ishize asa n’utagishyira ingufu mu muziki nk’uko byahoze.

Muri Kanama 2016 Liza yabatijwe bundi bushya mu itorero New Life Bible church avuga ko agiye kwiyegereza Imana birushijeho nta gusubira inyuma. Icyo gihe yagize ati “Nahisemo gukurikira Yesu, nta gusubira inyuma, nta gusubira inyuma”.

Nyuma y’amezi abiri abatijwe, Liza Kamikazi yasohoye indirimbo ya mbere ihimbaza Imana yise ‘Ndaje Data’. Yabwiye IGIHE ko yayihimbye mu mwaka wa 2014 gusa ajya muri studio kuyitunganya nyuma yo kwakira agakiza.

Yagize ati “Iyi ndirimbo nari maze imyaka itatu nyitekerejeho, uko najyaga mu rusengero aya magambo yanzagamo nk’isengesho ryampeshaga umugisha numva byaba byiza nkozemo indirimbo igahesha n’abandi umugisha.”

Yongeraho ati “Nayikoze kera ahubwo sinahita nyisohora, nayitekereje mu myaka itatu ishize ariko njya muri studio kuyifatira amajwi nyuma yo kubatizwa.”

Yahamije ko ‘ubu ari mu gakiza bikomeye ndetse ko bishobotse yakomeza guhimba izindi ndirimbo z’Imana. Ati “Ndi mu gakiza cyane, cyane ariko. Nibinshobokera nazakomeza nkajya nkora n’izindi ndirimbo, ubu nta mwanzuro ndafata ngo mbitangaze neza, nzajya mbikora uko bishoboka.”

Abajijwe niba agiye kwinjira mu cyiciro cy’abaririmba iz’Imana yagize ati “Ni nka gutyo byazagenda Imana nimpa umugisha […] Ni gutyo bimeze, ndumva nzajya nkora indirimbo zigahesha abantu umugisha.”

Liza yari asanzwe ari umugatolika ndetse yasezeranye gikirisitu n’umugabo we David Wald muri Kiliziya Gatolika. Ubu abarizwa muri New Life Bible church rifite icyicari i Kicukiro.


Kwamamaza

Kwamamaza
IZINDI NKURU WASOMA
TANGA IGITEKEREZO

Preview
    • Liza Kamikazi winjiye mu gakiza ashobora guhindura icyerekezo mu muziki by ?

      Howdy! This iis mmy first visit now to
      your blog! We are a collection of volunteers and starting a new project in a community in the same niche.
      Your blog provided us beneficial information to work on. You have done a marvellous job!


ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved