Lil G na Mavenge Soudi bashyize hanze amashusho y’indirimbo ‘Gakoni k’abakobwa’

Yanditswe na

IGIHE

Kuya 5 Kamena 2014 saa 07:47
Yasuwe :
0 0

Umuraperi Lil G nyuma yo gusaba Mavenge Soudi ko basubiranamo indirimbo Gakoni k’abakobwa mu buryo bw’amajwi, aba bombi bamaze kuyishyira hanze mu buryo bw’amashusho. Mu mwaka wa 2013 ubwo uyu muraperi yashyiraga hanze iyi ndirimbo yasubiranyemo na Mavenge, yavuze ko agiye guhita akora uko ashoboye bakayikorera amashusho dore ko kuva yajya hanze mu myaka yo hambere itari ifite amashusho.
Mu kiganiro yagiranye na IGIHE, Lil G yavuze ko yishimiye cyane kuba umuhanzi w’inararibonye nka Mavenge (...)

Umuraperi Lil G nyuma yo gusaba Mavenge Soudi ko basubiranamo indirimbo Gakoni k’abakobwa mu buryo bw’amajwi, aba bombi bamaze kuyishyira hanze mu buryo bw’amashusho.

Mu mwaka wa 2013 ubwo uyu muraperi yashyiraga hanze iyi ndirimbo yasubiranyemo na Mavenge, yavuze ko agiye guhita akora uko ashoboye bakayikorera amashusho dore ko kuva yajya hanze mu myaka yo hambere itari ifite amashusho.

Mu kiganiro yagiranye na IGIHE, Lil G yavuze ko yishimiye cyane kuba umuhanzi w’inararibonye nka Mavenge Soudi yakwemera ko bakorana indirimbo . Lil G kandi, arashimira Mavange wemwemereye ko basubiranamo iyi ndirimbo.

Ati, “Kuva nkiri umwana muto cyane numvaga indirimbo za Mavange. Niga muri Primaire indirimbo ze twaraziririmbaga ku ishuri, iyi Gakoni k’abakobwa yo numvaga umuhanzi wayiririmbye ari umuhanga urenze cyane ariko ngahora nifuza kuzayisubiranamo na we”

Akomeza agira ati, “Icyahora kimpangayikishije ntaratangira umuziki ni ukubona Mavenge Soudi amaso ku maso kuko naramukundaga cyane. Maze gutangira umuziki nagize amahirwe ndamenyekana ndetse uyu Mavenge nihurira na we musaba ko twaririmbana aranyemerera. Ndamushimira cyane”

REBA INDIRIMBO GAKONI K’ABAKOBWA:

Nyuma y’aya mashusho ya Gakoni k’abakobwa, Lil G arateganya gushyira hanze izindi ndirimbo nshya gusa by’umwihariko akaba ashaka kwibanda mu gukora indirimbo zifite amashusho kuko ariyo turufu abona ishobora kuzamurenza imbibe z’u Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza