U Bubiligi : Kitoko azitabira Amarushanwa ya Nyampinga  Supranational Rwanda

U Bubiligi : Kitoko azitabira Amarushanwa ya Nyampinga Supranational Rwanda


Yanditswe kuya 22-06-2012 - Saa 09:49' na Karirima A. Ngarambe

Tariki ya 30 Kamena, Komite ya Nyampinga Supranational Rwanda igizwe n’ishyirahamwe Isaro, Ebène Events, Def System na Team Production, bateguye bwa mbere mu Bubiligi amarushanwa y’ubwiza bise « Miss Supranational Rwanda 2012 », akazabera ahitwa Birmingham Palace u Buruseli, umuhanzi Kitoko Bibarwa akaba ari mu batumiwe kuzatarabimira abazitabira icyo gikorwa.

Mu kiganiro IGIHE ishami ryo mu Bubiligi twagiranye na Sandrine Uwimbabazi, yadusobanuriye uko bateguye aya marushanwa atubwira ko Miss Supranational ari amarushanwa aba buri mwaka, agahiganirwamo abakobwa b’ibitego mu bwiza baturutse mu bihugu 36, ati : “Aya marushanwa yatangiye muri 2009 mu gihugu cya Pologne, aterwa inkunga na « World Beauty Associatin » (WBA) ifite ubunararibonye kuko imaze imyaka 20 itegura amarushanwa yo mu rwego rwo hejuru.

Uwimbabazi yakomeje atubwira ko we nabo bafatanije bamaze umwaka bakora ku buryo bakomeza guteza imbere izi gahunda ku bakobwa bakomoka mu Rwanda no mu gushaka uko bamenyekanisha u Rwanda mu marushanwa nk’aya, cyane cyane aba ateraniyemo ibihugu byinshi, ati : “Ni muri urwo rwego tuzitabira ubwa kabiri amarushanwa yo guhitamo umukobwa uhiga abandi mu bwiza mu bihugu 36 azabera muri Pologne mu kwezi kwa Kanama.”

Uyu mwaka kandi Uwimbabazi yadutangarije ko batumiye abahanzi nka Kitoko Bibarwa uzwi cyane mu Rwanda, umuririmbyi witwa Afsana na Kode, hazaba kandi hari n’Ababyinnye b’injyana gakondo nyarwanda.

Abakobwa kandi bazitabira ayo marushanwa bazambikwa n’abahanga mu mwuga wo guhimba imyambarire no kuyidoda (Styliste) barimo umunyarwanda Francis Zahabu n’undi bazafatanya wo muri Senegal witwa Pape Tham.



KANDA HANO USHOBORE KUMVA
  Narikosoye By Kitoko
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO