Kitoko yasanze The Ben, Meddy na K8 Kavuyo muri Press One

Yanditswe na

Munyengabe Murungi Sabin

Kuya 13 Gicurasi 2015 saa 09:29
Yasuwe :
0 0

Kitoko Bibarwa yamaze gukandagiza akaguru kamwe mu itsinda rya Press One ribarizwamo abahanzi Meddy, The Ben, K8 Kavuyo, MYP na Princess Priscillah utarinjiramo neza.

Uyu muhanzi umaze ibyumweru bisaga bibiri mu Mujyi wa Houston muri Leta Zunze Ubumwe za Amerika aho yari yagiye gukorana na Producer Lick Lick , yahamirije igihe ko imishinga yakoreye muri iki gihugu yamuhuje n’abagize Press One ndetse bagirana ibiganiro biganisha ku kuba bahuza imikoranire na we akaba umwe muri bo.

Kitoko yasobanuye ko namara kwinjira neza muri Press One bizamufasha gukomeza kwagura ibikorwa bye haba mu Bwongereza aho atuye ndetse iri tsinda rizamufashe gushinga imizi binyuze muri Label imaze kwiyubaka.

Ati “Imishinga na Lick Lick isa n’igeze ku musozo , twakoranye indirimbo eshatu za audios ndetse hari na Videos ebyiri nahakoreye. Byose ntibirarangira ariko mu minsi mike nzabigeza ku bafana banjye”

Yongeraho ati “Ikindi ni uko nsa n’uwinjiye muri Press One, ni label ibarizwamo abahanzi bakomeye kandi bafite ingufu. Producer Lick Lick akorana na bo kandi hari imishinga yindi tuzakomeza gukorana. Urumva ko nsa n’uwamaze kugeramo, ngiye kujya nkorana na bo”

Kitoko werekeje muri Leta Zunze Ubumwe za Amerika tariki ya 27 Mata 2015 arasubira mu Bwongereza kuri uyu wa Gatatu tariki ya 13 Gicurasi.

Kitoko na Meddy bakoranye indirimbo

Asubiyeyo imishinga yose yari afite muri USA itararangira kubera igitaramo gikomeye azahuriramo na Diamond mu Bwongereza ku itariki ya 16 Gicurasi 2015 bityo akaba agiye gukora imyitozo ya nyuma.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza