Kitoko na Meddy basohoye amashusho y’indirimbo ‘Sibyo’ (Video)

Yanditswe na
Kuya 30 Kamena 2015 saa 06:57
Yasuwe :
1 0

Kitoko uherutse gukorera igitaramo mu Bufaransa Mujyi wa Rennes yashyize hanze amashusho y’indirimbo yakoranye na Meddy yitwa ‘Sibyo’ yakorewe muri Amerika itunganyijwe na Producer Lick Lick.

Mu mpera za Mata 2015 nibwo Kitoko yerekeje muri Leta Zunze Ubumwe za Amerika asanzeyo Producer Lick Lick bari gukorana imwe mu mishinga y’indirimbo bari bamaze iminsi batangiye gukoranaho.

Ageze muri Leta Zunze Ubumwe za Amerika yabonanye na Meddy usanzwe ari n’inshuti ye mu buryo bukomeye, bakorana indirimbo bise ‘Sibyo’.

Kitoko Bibarwa umaze iminsi akunzwe cyane i Kigali u ndirimbo yise ‘Kano Kana’, yabwiye IGIHE ko umwaka wa 2015 yawuhayemo intego zikomeye zirimo gukora cyane no kugaragaza ko afite ingufu n’amashyushyu yo gukomeza kugaragaza ko nubwo aba hanze y’u Rwanda afite abafana be ku mutima.

Yagize ati “Ndi hanze y’u Rwanda ariko si impamvu naha abafana mbabwira ko nta bikorwa mfite nkwiye kubagezaho. Ngomba gukora cyane kandi ngakomeza kwereka abafana banjye ko mbafite ku mutima, uyu mwaka nawihayemo intego zikomeye kandi nzakomeza nkore ku buryo batazicwa n’irungu”

Kitoko na Meddy ni ubwa mbere bakoranye indirimbo

Kitoko na Meddy, bakoranye indirimbo y’urukundo ari nayo nsanganyamatsiko bombi bakunda kugarukaho mu ndirimbo zabo. Iyi ndirimbo yakozwe na Producer Lick Lick.

Mu yindi mishinga yitegura gushyira hanze mu minsi ya vuba harimo amashusho y’indirimbo ze zitandukanye harimo ‘Mama’, Kano Kana’ n’izindi aherutse gukorera muri Amerika.

Kitoko asohoye iyi ndirimbo nyuma y’igitaramo aherutse gukorera mu Mujyi wa Rennes mu Bufaransa cyabaye ku itariki ya 20 Kamena 2015.

REBA IYI NDIRIMBO HANO:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza