K8 Kavuyo yashyize hanze indirimbo ’Tayari’ yakoranye na Bruce Melodie

Yanditswe na

Munyengabe M.Sabin

Kuya 10 Gicurasi 2014 saa 09:18
Yasuwe :
0 0

Umuraperi K8 Kavuyo wamenyekanye cyane mu ndirimbo zakunzwe mu Rwanda nka Allhamdoulilah, Ntibayoka n’izindi, kuri ubu yashyize hanze indirimbo ye nshya yakoranye na Bruce Melodie bayita TAYARI.
Iyi ndirimbo yakozwe na Producer Piano ukorera muri Super Level ikaba isohotse nyuma y’indi ndirimbo yitwa Tayari Urban Boyz nabo bo muri Super Level bashyize hanze mu cyumweru gishize ikaba yarakorewe mu gihugu cya Nigeria . Nk’uko K8 Kavuyo yabidutangarije, iyi ndirimbo ye na Bruce Melodie yatangiye (...)

Umuraperi K8 Kavuyo wamenyekanye cyane mu ndirimbo zakunzwe mu Rwanda nka Allhamdoulilah, Ntibayoka n’izindi, kuri ubu yashyize hanze indirimbo ye nshya yakoranye na Bruce Melodie bayita TAYARI.

Iyi ndirimbo yakozwe na Producer Piano ukorera muri Super Level ikaba isohotse nyuma y’indi ndirimbo yitwa Tayari Urban Boyz nabo bo muri Super Level bashyize hanze mu cyumweru gishize ikaba yarakorewe mu gihugu cya Nigeria . Nk’uko K8 Kavuyo yabidutangarije, iyi ndirimbo ye na Bruce Melodie yatangiye gukorwa mbere y’uko iya Urban Boyz itunganywa . Ku ruhande rwe, yizeye ko indirimbo ye igomba kuzakundwa nubwo hari iyasohotse mbere y’iye kandi zihuje amazina .

Mu kiganiro umuraperi K8 Kavuyo yagiranye na IGIHE ubwo yatugezagaho iyi ndirimbo ye, yadutangarije byinshi ku mishinga afite cyane cyane ibijyanye na muzika muri uyu mwaka . Kavuyo uba muri Amerika aho ari gukomereza amasomo ye ya kaminuza, yadutangarije ko uyu mwaka we na bagenzi be bagize Press One bafite gahunda yo kwerekana intambwe umuziki wabo umaze kugeraho binyuze mu bikorwa bateganya gukora mu minsi iri imbere .

K8 Kavuyo ati, “Nyuma ya Iyaminiye na Tayari zakozwe na Piano , ubu ku giti cyanjye mfatanyije na PressOne, hari ibikorwa byinshi tugiye gushyira hanze kuburyo tugiye kwereka abanyarwanda n’abandi badukunda ko tuticaye ubusa . Ubu turi gukora cyane, turashaka kwerekana ko hari impinduka zikomeye PressOne twagezeho kandi bitarenze uyu mwaka ibyo tubwira abafana nibwo bazabibona”

UMVA TAYARI YA K8 KAVUYO NA BRUCE MELODY

Ku ruhande rwe, umuraperi K8 Kavuyo, avuga ko afite gahunda ihamye yo gutegura neza album ye ya kabiri yise PROPAGANDA ikaba izajya hanze indirimbo ziyigize zose zimaze gutunganywa mu buryo bunoze . By’umwihariko, iyi album K8 yise Propaganda, akaba azayimurikira abafana be i Kigali .

Kavuyo ati, “Album Propaganda ndashaka kuzayimurikira abafana banjye ndi mu mujyi wa Kigali iwacu mu rwagasabo . Iyi ni alubumu nshaka gutegura neza kuburyo izaba iriho ibihangano bikoze neza kandi ndifuza ko yazamurikwa ndi iwacu.”

Bagenzi ba Kavuyo, Meddy na mugenzi we The Ben, nabo bafite ibindi bikorwa bya muzika bateganya gushyira hanze mu minsi iri imbere .

REBA AMASHUSHO YA IYAMINIYE:

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .