Kwamamaza

Sentore, Bruce Melody na Christopher barahurira mu gitaramo cya live

Yanditswe kuya 25-03-2016 saa 10:41' na IGIHE


Abahanzi basanzwe bakomeye mu kuririmba by’umwimerere, Jules Sentore, Bruce Melody na Christopher bategerejwe mu gitaramo gikomeye cya Live ku mugoroba wo kuri uyu wa Gatanu tariki ya 25 Werurwe 2016.

Iki gitaramo cyateguwe na ‘Elite Team’ isanzwe ifite uburambe mu gutegura ibitaramo bikomeye mu Rwanda. Kirabera kuri Villa Portofino i Nyarutarama guhera saa kumi n’ebyiri z’umugoroba.

Mu kiganiro na IGIHE, Jules Sentore yavuze ko muri iki gitaramo yiteze gushimisha abakunzi b’ibihangano bye cyo kimwe na bagenzi be Christopher na Bruce Meloody.

Ati “Ni igitaramo tumaze igihe dutegura, twariteguye bihagije nakwizeza umuntu wese ucyitabira ko agomba kwishima uko byagenda kose. Bagenzi banjye na bo bariteguye neza, birazwi ko basanzwe ari abahanga muri live, bigomba kuba byiza.”

Rolard Christian uyobora Elite Team, yavuze ko iki gitaramo bacyise “Jules Sentore in Concert” ni na we muhanzi mukuru, agomba gufatanya na Christopher ndetse na Bruce Melody.

Aba bahanzi uko ari batatu ngo barakora igitaramo kigaragaramo ubufatanye. Ati "Ntabwo buri wese ari buririmbe wenyine ngo agende, oya! Bararirimba bafatanyije, barafatanya mu ndirimbo zabo bose."

Jules Sentore aramurikira muri iki gitaramo amashusho y’indirimbo ye ‘Uranyura’ ndetse ngo aranaririmba bwa mbere indirimbo nshya mu zigize album ya kabiri yise ‘Indashyikirwa’.

Ati “Ndanaririmba indirimbo nshya zizasohoka kuri album ya kabiri nshaka gushyira hanze mu minsi iri imbere. Ndanamurika bwa mbere video yanjye bwa mbere yitwa ‘Uranyura’.”

Christopher na we arerekana amashusho y’indirimbo ye nshya herutse gusohora yitwa ‘Abasitari’ iri mu zikunzwe cyane muri iki gihe.

Kwinjira muri iki gitaramo ni amafaranga ibihumbi bitanu ku muntu umwe ndetse n’ibihumbi umunani kuri couple.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 1 September 2016
Copyright © 2009 -2014 - IGIHE Ltd - All Rights Reserved