Kwamamaza

Mushiki wa Jules Sentore yitiranyijwe n’umukobwa baherutse kubyarana

Yanditswe kuya 16-02-2015 saa 13:51' na Munyengabe Murungi Sabin


Mu birori byo kwizihiza Umunsi w’abakundanye, Jules Sentore yasohokanye na mushiki we muri Serena Hotel itangazamakuru ribateye imboni ryita uyu Nyampinga Innocente baherutse kubyarana.

Byinshi mu bitangazamakuru byanditse bigaragaza ko ku nshuro ya mbere Jules Sentore yasohokanye mu ruhame Innocente Nyampinga baherutse kubyarana ibindi bikavuga ko yagiranye ibihe byiza n’umukunzi we uherutse kwibaruka. Uyu mukobwa benshi bise Innocente ni mushiki w’uyu muhanzi.

Akibibona ku mbuga nkoranyambaga no muri bimwe mu bitangazamakuru, Sentore yaratunguwe cyane. Ati “Natunguwe, uriya mukobwa ntabwo ari we Innocente Nyampinga, uriya ni mushiki wanjye. Nyina ni tante(nyina wabo) na we twari kumwe muri Serena. Uriya si we mukunzi wanjye, uwanjye aracyari kumwe n’umwana”

Abajijwe impamvu atasohokanye Nyampinga Innocente baherutse kubyarana, Sentore yagize ati “Aracyari kumwe n’uruhinja, ntabwo nari kumusohokana atarakomera neza.”

Kugeza ubu izina ry’umukobwa wa Jules Sentore na Innocente ntibararishyira hanze. Sentore ati “Umwana ameze neza, na nyina araho. Ntabwo turashyira hanze izina rye ndacyaribitse”

Mu ijoro ryo ku itariki ya 17 Mutarama 2015 nibwo Innocente yibarutse umukobwa mu bitaro bikuru bya Polisi ku Kacyiru.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 28 August 2016
Copyright © 2009 -2014 - IGIHE Ltd - All Rights Reserved