Jules Sentore agiye kumurika Album ya mbere mu gitaramo cyiganjemo umuziki wa gakondo

Yanditswe na

Richard Irakoze

Kuya 24 Ukwakira 2013 saa 09:22
Yasuwe :
0 0

Tariki ya 3 Ugushyingo, umuhanzi Jules Sentore azamurika album ye ya mbere yise “Udatsikira”, muri Serena Hotel i Kigali, guhera saa kumi n’ebyiri z’umugoroba, mu gitaramo kizaba cyiganjemo injyana, indirimbo, umudiho n’ibicurangisho gakondo.
Iki gitaramo cyateguwe na Benegakondo Label ari nayo yatangije Gakondo Group, kizaba kirimo abahanzi bose bagize Gakondo Group barimo Icyogere mu Nkuba Masamba Intore, Daniel Ngarukiye, Emmanuel, Teta n’abandi.
Hazaba harimo kandi na Jean Paul Samputu (...)

Tariki ya 3 Ugushyingo, umuhanzi Jules Sentore azamurika album ye ya mbere yise “Udatsikira”, muri Serena Hotel i Kigali, guhera saa kumi n’ebyiri z’umugoroba, mu gitaramo kizaba cyiganjemo injyana, indirimbo, umudiho n’ibicurangisho gakondo.

Iki gitaramo cyateguwe na Benegakondo Label ari nayo yatangije Gakondo Group, kizaba kirimo abahanzi bose bagize Gakondo Group barimo Icyogere mu Nkuba Masamba Intore, Daniel Ngarukiye, Emmanuel, Teta n’abandi.

Hazaba harimo kandi na Jean Paul Samputu watwaye Kora Award mu 2003, Mariya Yohana waririmbye indirimbo “Intsinzi”, Knowless Butera na Yvan (Burundi) uyu akaba ari mu byara wa Sentore.

Aganira na IGIHE, Sentore yavuze ko abafana b’umuziki we bakwiye kwitabira iki gitaramo kuko kizaba kiryoshye. Ati “Nzabaririmbira neza, nzagerageza gukora ibintu binogeye amatwi mbaririmbira nyinshi mu ndirimbo zanjye bamenye nka Udatsikira, Dutaramane n’izindi.”

Sentore yongeraho kandi ko umuziki yahisemo gukora ari umuziki ufite umwimerere kandi uranga aho uva, imwe mu mpamvu yizeza abazaza kuwureba ko bazanyurwa n’iki gitaramo.

Ati “Nagiye mu maserukiramuco anyuranye harimo mu Budage, muri Congo Brazzaville, muri Uganda, muri Kenya, mu Burundi n’ahandi ngiye nka Jules Sentore nkaririmbayo kandi nkaniga ibijyanye n’umuziki niyemeje gukora. Nakunze kumva cyane ibihangano bya Kidum na Boyz II Men nanagerageza gukora ubushakashatsi bwimbitse ku mateka yabo kuko ni abahanzi nkunda mbona nanafatiraho urugero; nkaba nteganya kwerekana kuri uwo munsi ibyo nagezeho byose muri iyo myaka maze ncukumbura mu muziki wanjye.”

Ati “Ndi umuhanzi udafite indirimbo nyinshi hanze ariko mfite Album, ari nayo ntumirira abafana banjye ngo bazaze barebe aho nyimurika.”

Jules Sentore asanzwe ari umwe mu bahanzi bamenyerewe mu bitaramo bya gakondo, aho buri wa Gatanu aririmbana na Gakondo Group kuri Hotel des Mille Collines.

Igitaramo "Udatsikira" cya Jules Sentore

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .