Jay Polly agiye guha umuriro n’amazi imiryango 3 yarokotse Jenoside

Yanditswe na

Kalinda Brendah

Kuya 9 Mata 2015 saa 04:47
Yasuwe :
0 0

Umuraperi Jay Polly wegukanye irushanwa rya PGGSS ya 4, afatanyije na Touch Entertainment bakomeje gukusanya inkunga bazafashisha imiryango itatu itishoboye yarokotse Jenoside yakorewe Abatutsi muri Mata 1994.

Nk’uko Clesse J Marc Sady ureberera inyungu za Jay Polly na Touch Entertainment yabitangarije IGIHE, uyu muraperi na Label abarizwamo bifuje gufasha bamwe mu batishoboye barokotse Jenoside ndetse bagakangurira Abanyarwanda by’umwihariko urubyiruko kurangwa no gufasha muri iki gihe cyo Kwibuka ku nshuro ya 21.

Jay Polly na Touch Entertainment batangije ubukangurambaga bwo gukusanya inkunga y’abarokotse Jenoside batishoboye bise ‘Gira Ubuntu Campain’.

Ku ikubitiro uyu muraperi yakoreye igitaramo muri Kaizen ku Kabeza aho yavanye amafaranga y’ibanze azifashisha mu kugeza umuriro n’amazi mu ngo eshatu z’abarokotse Jenoside batishoboye mu Murenge wa Gishari mu Karere ka Rwamagana.

Yagize ati, “Turi gutegura ibitaramo bitandukanye aho amafaranga azavamo tuyongera ku nkunga twagennye yo gufasha abarokotse Jenoside. Nyuma y’igitaramo twakoreye muri Kaizen duteganya gukora ibindi bitaramo bizavamo amafaranga y’inyongera no gufatanya n’abaterankunga hanyuma tukageza amazi n’umuriro ku miryango 3 yo mu Karere ka Rwamagana, Umurenge wa Gishari”.

Mu gitaramoo Jay Polly aherutse gukorera muri Kaizen akusanya inkunga y'abarokotse Jenoside

Yasobanuye ko nyuma y’igitaramo bakoreye muri Kaizen Club bateganya gutegura ikindi kizabera muri Serena Hotel noneho inkunga ikarushaho kwiyongera kugira ngo iyi miryango uko ari itatu izabone amazi n’umuriro.

Jay Polly afatanyije na Touch bafite intego yo gukomeza gukora ibikorwa byo gufasha abarokotse Jenoside batishoboye by’umwihariko ibi bikorwa bikazajya bikorwa mu gihe cy’iminsi 100 yo kwibuka.

Masamba Intore yafashije Jay Polly mu gukusanya inkunga
Masamba na Bruce Melody bari baje kwifatanya na Jay Polly muri iki gikorwa
Mariya Yohana na Masamba ni bamwe mu bahanzi batera ingabo mu bitugu Jay Polly
Buri wese atanga uko yifite
Barakusanyiriza hamwe inkunga y'abarokotse Jenoside

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza