Kwamamaza

Jack B yasenze umugore we amushinja ubusinzi no gukururana n’abanyamafaranga

Yanditswe kuya 12-09-2016 saa 08:38' na Munyengabe Murungi Sabin


Umuhanzi Rugamba Jacques[Jack B] yafashe icyemezo cyo gutandukana n’umugore we Dr Juru Gisele akikomereza ubuzima ari wenyine, aramushinja guta urugo, ubusinzi no gukururana n’abanyamafaranga.

Jack B yatangaje ko yatandukanye na Dr Juru Gisele abinyujije kuri Facebook na Instagram aho yanditse ubutumwa bw’inkurikirane bwumvikanamo umujinya no kugaragaza ko yari amaze kurambirwa amakosa akabije ashinja umugore we.

Yabanje kwandika aninura aho yavuze ko akunda umuryango we nyuma y’amasaha abiri yandika ati “Urukundo si amafaranga.” Abamukurikira baheze mu rujijo bakamwandikira bamubaza niba ari indirimbo agiye gusohora cyangwa niba hari ikindi kibazo yagize.

Mu gusubiza yongeye kwandika andi magambo yeruye avuga ko yatandukanye n’umugore we ndetse ko ubu yongeye kuba ingaragu bisanzwe. Yagize ati “None aha mwese mubimenye ntandukanye n’uwo nabyaranye na we. Ibindi muzabimenya, ubu ndigenga.”

Jack B yongeyeho ko umugore we yasaga n’uwataye urugo ndetse ngo abana be ntibamuzi kuko igihe kinini akimara mu kabari. Yanavuze ko kuva barushingana umuziki we wasubiye inyuma kuko yirirwa arera abana.

Ati “Harya ngo uri za bakire nirirwa ndera abana banjye, harya ngo urantuze umuziki twamenyanye nywukora kugeza aho ntagikora na video n’imwe kubera kwitanga, abana ntibanakuzi mbivuganye umujinya kandi mbabaye!”

Uyu mugabo wagaragaje ko yasagutswe n’uburakari kubera umugore yashyize kuri Instagram ifoto ahetse umwana ayiherekeza amagambo avuga ko igisenye urugo rwabo ari ubusinzi bukabije bwarangaga uyu mugore wikundira abanyamafaranga.

Yagize ati “Narababaye bihagije mfashe gahunda nangjye ku giti cyanjye Gisele Juru ntandukanye na we uzagumane n’abanyamafranga njye nta kazi ngira, nzize ubwiyemezi n’ubusinzi ndagiye ariko...”

Jack B na Dr Juru bari bafitanye abana babiri, imfura yitwa Imena Rugamba Khian Alvin n’umukobwa bari baherutse kwibaruka. Aba bombi bavuzwe cyane mu itangazamakuru mu myaka itatu ishize ari nabwo iby’urukundo rwabo byamenyekanye.

Muri 2013 babyaranye umwana wa mbere, hanyuma muri Kamena 2014 bafata umwanzuro wo kubana batararushinga. Babanje kubana mu Karere Kamonyi hafi y’ibitaro uyu mugore yakoragaho, icyo gihe Jack B yimutse i Nyamirambo asanga umugore we ku Kamonyi gusa bahamaze amezi make baza gutura mu Mujyi wa Kigali.

Kuwa 28 Kamena 2015 Jack B na Dr Juru Gisele basezeraniye kuzabana ubuziraherezo, icyo gihe bakoze ubukwe bukomeye bishimana n’inshuti ndetse n’imiryango yombi none nyuma y’umwaka umwe gusa bagarutse mu itangazamakuru bavuga ko ibyabo byarangiye.

Aba bombi bari bamaze umwaka umwe barushinze
Jack B yashinjaga umugore we gukunda akabari ntiyite ku muryango

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved