Kwamamaza

Umutare Gaby agiye gusohora album azacuruza mu gihugu hose

Yanditswe kuya 23-08-2016 saa 09:51' na IGIHE


Umuhanzi Umutare Gaby wari mu bahanzi icumi bamaze iminsi bahataniye irushanwa rya Primus Guma Guma Super Star ageze kure umushinga wo gutegura album ya mbere ashaka ko yazagurishwa mu ntara zose z’igihugu.

Umutare yamenyekanye mu ndirimbo zirimo ‘Nkwegukane’, ‘Ntunkangure’, ‘Urangora’, ‘Ayo Bavuga’, ‘Mesa Kamwe’, ‘Ukunda nde’ n’izindi. Ni umwe mu bahanzi bane bashya binjiye bwa mbere mu irushanwa rya Primus Guma Guma Super Star 6 iherutse gusorezwa i Kigali.

Yaje ku mwanya wa nyuma gusa ngo ntibyamuciye intege zo gukomeza umuziki ahubwo yarushijeho gukorana ingufu kugira ngo yerekane umusaruro irushanwa ryamugejejeho.

Mu kiganiro na IGIHE yavuze ko ageze kure umushinga wa album ya mbere ashaka gushyira hanze mu mwaka wa 2017 ndetse akifuza ko yazaba ifite umwihariko ikanacuruzwa mu bice bya kure y’Umujyi wa Kigali.

Yagize ati “Ni album nashyizemo imbaraga zose, imaze hafi amezi atanu itunganywa ndi kuyikorana na Producer Bob ni we uri kuyimfasha. Nifuza ko yazagaragaza uwo ndi we mu muziki, izaba igizwe n’indirimbo zituje gusa izibyinitse zizayisohokaho zikazaba ari zouk gusa.”

Yongeyeho ati “Natekereje ikintu cyatuma izagira umwihariko kurusha iz’abandi zasohotse, ndashaka ko nzakora igitaramo kirimo isuku nyinshi ndetse nkanagurisha CD ntibizabe bya bindi byo kuririmba gusa ahubwo n’izo ndirimbo bakazigura.”

Nyuma yo gukora igitaramo cyo kuyimurika kizabera i Kigali, Umutare Gaby ngo azanategura ibindi mu ntara mu rwego rwo kwegera abakunda ibihangano bye. Ati “Nabitekerejeho, nyuma yo gusohora album i Kigali nzahita nkomereza mu bindi bice mu ntara, aho niho nzayicururiza n’abadatuye i Kigali bayibone.”

Umutare afite indirimbo nshya yise ‘Nta wundi’ icuranze mu buryo bwumvikanamo cyane umurya wa gitari ari nacyo ahanini cyatumye ahanini yishimirwa. Yavuze ko indirimbo 10 zizaba zigize album ya mbere zizaba zicuranze muri ubu buryo ndetse zirimo ubutumwa buvuga ku rukundo rwimbitse.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 24 September 2016
Copyright © 2009 -2014 - IGIHE Ltd - All Rights Reserved