Frankie Joe yagize ibanga icyamutandukanyije n’umugore

Yanditswe na

Munyengabe Murungi Sabin

Kuya 19 Mutarama 2016 saa 01:35
Yasuwe :
0 0

Mu mwaka ushize nibwo byasakaye ko Frankie Joe yatandukanye na Melanie Gale wari umugore we ku mpamvu itarigeze imenyekana.

Hagiye gushira amezi ane Frankie Joe asubiye muri Canada aho yakomereje imishinga yo kwerekana imideli no gukina film.

Mu kiganiro na IGIHE, Frankie Joe yavuze ko ahanini mu byatumye ajya gutura muri iki gihugu harimo imishinga yari ahafite mu mideli na film ikomeye yakinnyemo yitwa ‘Painkillers’. By’umwihariko ngo yashakaga kwegerana n’umwana we uri hafi kuzuza imyaka itanu y’amavuko.

Frankie Joe na Melanie bamaze kubona gatanya, gusa ngo nta gahunda ya hafi afite yo gushaka undi mugore.

Ati “Umwana wanjye araho, turabonana kenshi n’abandi baraho […] Ndi single (ndi ingaragu).”

Iyo ukomeje kumubaza byimbitse icyamuteye gutandukana n’umugore w’isezerano, asubiza agira ati “Mbabarira sinshaka kubyinjiramo cyane.”

Nyuma yo gutandukana n’umugore bari bamaranye hafi imyaka itanu babana, Frankie Joe ngo aryohewe n’ubuzima kandi yishimira uko abayeho muri iki gihe.

Frankie Joe na Melanie Gale barushinze mu mwaka wa 2009. Kuwa 13 Gashyantare 2011, bibarutse umuhungu wamwita Taye Rukundo.

Batandukanye nyuma y'imyaka itanu babana

Aba bombi buri wese yaciye inzira ze, bahuzwa n’umwana babyaranye. Kuri ubu atuye ahitwa Calgary, Alberta muri Canada ndetse ngo nta gahunda ya vuba afite yo kugaruka i Kigali.

Mu 2011 ubwo baheruka kuzana mu Rwanda. Hano Melanie yafataga amafoto Frankie Joe arimo kuririmba
Melanie yitaga cyane ku mugabo we
Buri wese yaciye ize nzira
Frankie Joe asigaye yerekana imideli ahitwa Calgary

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza