00:00:00 IGIHE NETWORK KN KINYARWANDA EN ENGLISH FR FRANCAIS

“Fayed”, murumuna wa Kamichi nawe yatangiye muzika

Yanditswe na

Richard Irakoze

Kuya 29 Nzeri 2012 saa 08:15
Yasuwe :
0 0

Gatana Fayed mu mazina yiswe n’ababyeyi, cyangwa se “Soule” cyangwa se “Souleyimani” nk’amazina yitwa n’inshuti ze za hafi, ni murumuna wa Kamichi, usanzwe nawe ari umuhanzi ukora injyana ya Hip-hop, kuri ubu nawe yatangiye muzika.
Ubu uyu muhanzi, w’imyaka 20, nawe amaze gushyira hanze indirimbo ze eshatu ari zo “Ndi Nde” yaririmbanye na Jody, “Aka Niko Kanya” na “Inyenyeri” yafatanije na BullDogg. Fayed avuga ko ateganya kurushaho kugaragaza impano ye mu muziki.
Tumubajije uko we yinjiye mu buhanzi, (...)

Gatana Fayed mu mazina yiswe n’ababyeyi, cyangwa se “Soule” cyangwa se “Souleyimani” nk’amazina yitwa n’inshuti ze za hafi, ni murumuna wa Kamichi, usanzwe nawe ari umuhanzi ukora injyana ya Hip-hop, kuri ubu nawe yatangiye muzika.

Ubu uyu muhanzi, w’imyaka 20, nawe amaze gushyira hanze indirimbo ze eshatu ari zo “Ndi Nde” yaririmbanye na Jody, “Aka Niko Kanya” na “Inyenyeri” yafatanije na BullDogg. Fayed avuga ko ateganya kurushaho kugaragaza impano ye mu muziki.

Tumubajije uko we yinjiye mu buhanzi, Fayed yagize ati ”Ni kera natangiye kubikunda kera ariko noneho ntangira kubishyira mu bikorwa ntangiye kubona ubushobozi, mu 2011 nkora indirimbo “Aka Niko Kanya”. Muri Unlimited na Producer Lick Lick.”

Tumubajije aho akura inganzo n’ibyo yibandaho mu myandikire ye y’indirimbo, Fayed yavuze ko ari uruhererekane rw’ibimuca mu maso. Yagize ati ”Ni ubuzima ni ibyo mbona. Ibintenra kuba navuga ibyo mvuga ni ibyo mbona.”

Fayed avuga ko intego ye ari ukuzaba umuhanzi mpuzamahanga no kuzatungwa n’ubuhanzi umunsi umwe. Yagize ati”Intego yanjye ni ukugera ku rwego rushimishije, nkajya ku rwego mpuzamahanga nkaririmba nkabona abantu baranyishimiye. Kandi nkaba nakuramo amafaranga nkaba nabasha nanjye gutunga umuryango ngakuramo ikintu gifatika mu muziki.

Gusa Fayed avuga ko mu Rwanda byamugoye cyane guhita amenyekana biturutse ku kuba ibihangabo bye bitarabasha gucurangwa hose mu bitangazamakuru, kwishyura amastudio n’ibindi.

Yagize ati ”Biragoranye ku kibazo cya Promotion, gukora indirimbo birarushya n’iyo indirimbo irangiye ntipfa guhita icurangwa, kandi birakubabaza iyo wumvise idakinywe cyane kandi yarakugoye kuyikora, ariko ni maradiyo amwe n’amwe.”

Ashimira mukuru we Kamichi ku bw’ubufasha amuha

Fayed avuga ko Kamichi ari we kugeza ubu umwishyurira amafaranga yo gukora indirimbo. Yagize ati ”Amafaranga ya studio niwe uyampa, ampa ibitekerezo akaba ashobora kuba yankosora mu myandikire yanjye, akaba yambwira ngo hano hindura gatoya nk’uko nanjye mbibimubwira iyo arimo gusubiramo indirimbo ze.”

Fayed ariko avuga ko rimwe na rimwe nawe ajya ashyigikira Kamichi mu bijyanye n’ubuhanzi bwe, rimwe na rimwe mu myandikire y’indirimbo ze n’ibindi. Yagize ati ”Nk’iyo arimo kwitoza ateganya kuzasohora indirimbo njya mubwira ngo wenda ijambo runaka rihindure akaba yarisimbuza irindi.”

Tumubajije impamvu we inganzo ye yamuganishije ku kuririmba Hip-Hop ntabe yaririmba injyana nka Afrobeat, wenda abikomoye kuri mukuru we, Fayed yavuze ko inganzo itangwa n’Imana utahitamo iyo uhawe.

Avuga kandi ko yishimira injyana akora kuko ihuza n’ubutumwa atanga. Yagize ati ”Njyewe numvaga Rap aricyo kintu nkunze cyane. Kuko Rap bitewe n’ibintu ndirimba nibyo bintu byayishyiramo, ariko Afrobeat bisaba ngo uririmbe ibintu by’urukundo.”

Reba amashusho y’indirimbo Inyenyeri Fayed yakoranye na Bull Dogg

Fayed avuga ko kuri ubu nta bafana benshi yari yagira uretse inshuti ze, ariko ko yizeye kuzabagira benshi, kandi ko azagaragariza impano ye. Yagize ati ”Abafana ntabwo ndagira abafana ariko ubu mfite inshuti zikunda ibyo nkora, gusa ninabagira benshi nzabafata nk’inshuti.”

Uretse Kamichi na Fayed, mu muryango wa Kamichi hagaragaramo indi mpano ya nyina wabo uzwi cyane mu ndirimbo “Akotsi k’Abatabazi” ya Diplomate. Uyu nyina wabo afite izindi ndirimbo za gakondo ashobora kuzashyira hanze mu minsi ya vuba.

Indirimbo Ndinde ya Fayed ari kumwe na Jody



KANDA HANO USHOBORE KUMVA
  Ndinde By Fayed Ft Jody

Kwamamaza

Kwamamaza

Izindi nkuru wasoma

Inkuru ziheruka - Amakuru

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .