Dashim yagarutse mu muziki

Yanditswe na
Kuya 30 Nzeri 2014 saa 11:38
Yasuwe :
0 0

Nyuma y’iminsi atigaragaza cyane mu muziki, Dashim yongeye gukora indirimbo ndetse atangaza ko azanye umwihariko mu ndirimbo zo mu njyana ya Afrobeat.
Dushimimana Jean de Dieu wamenyekanye nka Dashim, yatangiye kwigaragaza muri muzika mu 2011, yakoze indirimbo zitandukanye zirimo Gasaro ka Mama yakunzwe icyo gihe, Bakunda Umurambo, Mabukwe yakoranye na Uncle Austin ndetse n’izindi.
Mu 2012 yabaye nk’usubitse umuziki, kuri ubu ariko yongeye kugaruka aho yashyize hanze indirimbo yitwa (...)

Nyuma y’iminsi atigaragaza cyane mu muziki, Dashim yongeye gukora indirimbo ndetse atangaza ko azanye umwihariko mu ndirimbo zo mu njyana ya Afrobeat.

Dushimimana Jean de Dieu wamenyekanye nka Dashim, yatangiye kwigaragaza muri muzika mu 2011, yakoze indirimbo zitandukanye zirimo Gasaro ka Mama yakunzwe icyo gihe, Bakunda Umurambo, Mabukwe yakoranye na Uncle Austin ndetse n’izindi.

Mu 2012 yabaye nk’usubitse umuziki, kuri ubu ariko yongeye kugaruka aho yashyize hanze indirimbo yitwa ‘Mpemuke ndamuke’.

Dashim yavuze ko hari umwihariko yazanye, nyuma yo kubona abahanzi benshi baririmba mu njyana ya Afrobeat mu Rwanda bibanda ku butumwa bw’urukundo gusa. We akaba azanye umwihariko wo kuvanga iyi njyana ibyinitse ashyiramo ubutumwa butubaka mu rukundo gusa, ahubwo bwubaka n’ubuzima busanzwe.

Aganira na IGIHE ubwo yatugezagaho indirimbo ye nshya, Dashim yavuze ko nubwo akora injyana ya Afrobeat, atandukanye n’abandi bahanzi nyarwanda benshi baririmba muri iyi njyana kuko we ataririmba indirimbo z’urukundo nk’uko babikora.

Yagize ati “Njye umwihariko nzanye mu njyana ya Afrobeat ni ugutanga ubutumwa butari ubw’urukundo, kuko urebye abahanzi bose baririmba muri iyi njyana bibanda cyane kubakundana, birengagije imfubyi, abapfakazi, abakene n’abandi bakeneye ubutumwa bubakomeza imitima ndetse bunabigisha cyangwa se ubundi butumwa bwubaka ubumuntu mu muryango”.

Muri iyi ndirimbo nshya ya Dashim aba avugamo umukobwa witwa Mukandoli wakuranye n’inshuti ariko nyuma akaza gukura yirengagiza bamwe mubo bakuranye, akita cyane mu kwigwizaho ubutunzi, ntiyibuke abo baruhanye basigaye hasi.

Dashim yasobanuye ko iyi ndirimbo ikebura bamwe mu bantu bakunda amafaranga cyane ku buryo abibagiza ubumuntu bwo gufasha ndetse no kuzirikana abo basize hasi bafite ibibazo.

Kanda hano wumve Mpemuke ndamuke

Dashim ari kwitegura gushyira hanze amashusho y’iyi ndirimbo akaba avuga hatagize igihinduka azafatirwa mu Burundi, mu ntangiriro z’Ukwakira.

Dashim aje yiyongera ku bandi bahanzi basanzwe baririmba mu njyana ya Afrobeat mu Rwanda, barimo Kitoko, Kamichi, Mico The Best, Uncle Austin, Senderi n’abandi.

Uyu muhanzi avuga ko adateze kuzongera gusubika muzika kuko yamaze gufata ingamba zihamye, akaba anashimangira ko inganzo atari iyo ashakisha imurimo, dore ko atari uwa mbere ubaye umuhanzi mu muryango wabo. Uyu muhanzi akaba ari mwishywa wa Nyakwigendera Bizimana Loti wamenyekanye cyane mu ndirimbo nka Nitwa Patron, Ntamunoza, Cyabitama n’izindi.


Kwamamaza

Kwamamaza

Izindi nkuru wasoma

Inkuru ziheruka - Amakuru

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza