Ciney yiyemeje gusiga umuco wo kujagarara muri 2014

Yanditswe na

Kalinda Brendah

Kuya 31 Ukuboza 2014 saa 05:31
Yasuwe :
0 0

Ciney umwe mu bakobwa bakora injyana ya Hip Hop mu Rwanda arishimira ibyo yagezeho muri uyu mwaka tugiye gusoza ariko akifuza ko hari ibyo yawusigamo adashaka kwambukana muri 2015.
Mu kiganiro na IGIHE, Ciney yadutangarije ko uyu mwaka wari mwiza mu rugero kubera bimwe mu bitamugendekeye neza ariko akavuga ko ibicantege byose azabisiga inyuma agatangira umwaka wa 2015 ari mushya.
Yagize ati, “Mu byo nifuza gusiga muri 2014 harimo kujagarara, ubundi abahanzi tugira ibintu byinshi bitari (...)

Ciney umwe mu bakobwa bakora injyana ya Hip Hop mu Rwanda arishimira ibyo yagezeho muri uyu mwaka tugiye gusoza ariko akifuza ko hari ibyo yawusigamo adashaka kwambukana muri 2015.

Mu kiganiro na IGIHE, Ciney yadutangarije ko uyu mwaka wari mwiza mu rugero kubera bimwe mu bitamugendekeye neza ariko akavuga ko ibicantege byose azabisiga inyuma agatangira umwaka wa 2015 ari mushya.

Yagize ati, “Mu byo nifuza gusiga muri 2014 harimo kujagarara, ubundi abahanzi tugira ibintu byinshi bitari byiza harimo kutubahiriza gahunda cyangwa igihe, gukora ibintu tutapanze, muri make ukabona ko nta murongo ibyo ndifuza kubisiga muri 2014”.

Yakomeje asobanura ko icyo ari kimwe mu byatumye atagera ku ntego yari yihaye uyu mwaka ugitangira kuko yifuzaga gusohora album ntibyamukundira, gushyira hanze ingengabihe(calendar) ndetse n’ibindi bikorwa atagezeho.

Ciney ashimangira ko umwaka wa 2014 umusigiye ishusho nyayo y’uko aza ameze mu myaka itatu iri imbere ndetse ikimushimishije kurushaho ni inshingano z’akazi yabonye muri uyu mwaka.

Uretse ibitaramugendekeye neza, yishimiye intambwe ikomeye yateye yo gusinya muri Label ya Incredible ndetse n’inshuti nshya yungutse zagiye zimufasha muri byinshi birimo muzika ndetse n’ubuzima bwe busanzwe.

Yagize ati, “Uyu mwaka wa 2014 ntiwagenze neza mu binjyanye na muzika kuko amafaranga nakoreye ntabwo yari ashimishije ariko na none sinasabirije ibyo ndabishima Imana”.

Kuba yarinjiye muri Label ya Incredible, ngo bizamufasha cyane muri muzika ndetse n’ibikorwa bye bikiyogera kubera igitutu ashyirwaho n’abakoresha be.

Ciney ashoje umwaka wa 2014 asohoye indirimbo nshya yitwa ‘Arabizi’ ivuga ku rukundo ruba hagati y’abashakanye ndetse ikaba yaranakorewe amashusho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza