Ciney, wasohoye video ya Dogoni, yahiriwe no guhindura injyana

Yanditswe na

Munyentwari Patrick

Kuya 7 Ugushyingo 2013 saa 09:02
Yasuwe :
0 0

Ciney Aisha kuva yatangira guhimba indiribmo nka “Igire”,“Dogoni” n’izindi nkazo yatangiye guhabwa ibihembo binyuranye, anatangira guhabwa umwanya wo kuzisobanura ku maradiyo mpuzamahanga harimo BBC yo mu Bwongereza, VOA yo muri Leta Zunze Ubumwe z’Amerika ndetse anahabwa ibihembo bikomeye birimo icya “Diva Award”.
Ubusanzwe Ciney yaririmbaga icyo yita American Hip Hop ariko ubu asigaye aririmba Afro Hip Hop.
Kuva yava mu njyana ya Hip Hop yakoraga mbere mu mwaka wa 2011 kugeza hagati mu mwaka wa (...)

Ciney Aisha kuva yatangira guhimba indiribmo nka “Igire”,“Dogoni” n’izindi nkazo yatangiye guhabwa ibihembo binyuranye, anatangira guhabwa umwanya wo kuzisobanura ku maradiyo mpuzamahanga harimo BBC yo mu Bwongereza, VOA yo muri Leta Zunze Ubumwe z’Amerika ndetse anahabwa ibihembo bikomeye birimo icya “Diva Award”.

Ubusanzwe Ciney yaririmbaga icyo yita American Hip Hop ariko ubu asigaye aririmba Afro Hip Hop.

Kuva yava mu njyana ya Hip Hop yakoraga mbere mu mwaka wa 2011 kugeza hagati mu mwaka wa 2012 mu ndirimbo nka “Nkunda” n’izindi, nawe ubwe avuga ko abona arushaho guhirwa n’izi njyana nshya yatangiye gukora.

Ciney ahabwa igihembo cya Diva Awards kubera indirimbo ye "Igire"

Ati “Umuziki nkora ubu ngerageza gushyiramo injyana nyafurika zitandukanye kandi bikaziha umwimerere ari nabyo bituma abantu benshi babyishimira. Njye biranshimisha iyo mbona ingeri zose z’abantu biyumva mu ndirimbo ndirimba”.

Ku bijyanye n’amashusho y’indirimbo Dogoni, Ciney yagize ati “Ahari umwijima mu mashusho ya Dogoni, havuga ko umuntu uba wifuza kwinjira mu buhanzi aba ameze nk’uri mu mwijima kuko aba atabona rimwe na rimwe ingaruka mbi zibamo iyo nyirubwite yinjiyemo nabi.”

Akongeraho ati “Aho mba nihisha urumuri; mbanerekana ko nk’umuhanzi umaze kumenyekana akenshi atifuza kugenda ku mwanywa bitewe nuko amaze kumenya ko azwi na benshi, ahubwo akifuza kugenda bwije, akifuza ko abonanira n’abafana be mu bitaramo.”

Indirimbo Dogoni avuga ko bisobanura murumuna we mu rurimi rwo muri Mali, ashaka kuvuga uwo (murumuna we cyangwa umukobwa yafata nka murumuna we utarinjira mu muziki) aba agira inama abakobwa bifuza kuba nk’abahanzi b’ibyamamre babona kandi nyamara muziki habamo ibibazo byatuma yifuza kubaho atazwi.

Ati “Ariko sinifuje ko abifuza kuba abahanzi babireka, ariko ni inama nabagiriye”.

REBA VIDEO YA DOGONI


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza