Ciney mu rugamba rwo gukangurira abakobwa kutigurisha

Yanditswe na
Kuya 19 Nzeri 2014 saa 06:23
Yasuwe :
0 0

Umuririmbyikazi Ciney yashyize hanze amashusho y’indirimbo ’Igire’, avuga ko ikubiyemo ubutumwa bwo gukangurira abakobwa bagenzi be kwigira bakareka kwigurisha no kugwa mu bishuko by’ababashora mu buraya.
Ni nyuma y’iminsi mu Rwanda havugwa ikibazo cy’abana b’abakobwa bajyanwa gucuruzwa hanze y’u Rwanda, mu buraya no gukina filime z’urukozasoni.
Asobanura ibi, Ciney yagize ati “Igire ni indirimbo nakoreye abakobwa,…irerekana ibyo nashakaga kuvuga, harimo ubutumwa busaba abakobwa kwigira cyangwa (...)

Umuririmbyikazi Ciney yashyize hanze amashusho y’indirimbo ’Igire’, avuga ko ikubiyemo ubutumwa bwo gukangurira abakobwa bagenzi be kwigira bakareka kwigurisha no kugwa mu bishuko by’ababashora mu buraya.

Ni nyuma y’iminsi mu Rwanda havugwa ikibazo cy’abana b’abakobwa bajyanwa gucuruzwa hanze y’u Rwanda, mu buraya no gukina filime z’urukozasoni.

Asobanura ibi, Ciney yagize ati “Igire ni indirimbo nakoreye abakobwa,…irerekana ibyo nashakaga kuvuga, harimo ubutumwa busaba abakobwa kwigira cyangwa kwigenga,…nyuma y’ikibazo cyo kwigurisha no kugurishwa ni ngombwa ko bakangurirwa kwigira…”

Indirimbo Igire yari isanzwe yarakozwe mu buryo bw’amajwi, Ciney yaje kuyisubiramo akaba yayikoreye n’amashusho.

Amashusho ya Igire yakozwe na Producer Bernard Bagenzi muri Incredible Records. Bagenzi yabwiye IGIHE ko yamaze no gusinyana na Ciney amasezerano yo gukorera muri iyi label.

Ciney nawe yemeje aya makuru avuga ko bamaze kumvikana na Incredible ndetse bafitanye imishinga myinshi.

Bagenzi yavuze ko hari impamvu zihariye zatumye basinyisha Ciney bagahitamo kumwinjiza muri label yabo.

Yagize ati “Nashakaga gukorana n’abakobwa ngo nabo tuzamure impano zabo nyuma yo gukorana n’abahungu. Ubu dufitanye amasezerano y’imyaka 2 hari imishinga myinshi duteganya hari n’indi ndirimbo izaza ikurikira iyi Video twakoze.”

Indirimbo Igire nicyo gikorwa cya mbere Ciney ashyize hanze kuva yakwinjira muri Incredible ya Bernard Bagenzi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza