Umuhanga mu majwi yemeje ko indirimbo Rwandair yakoresheje ari iya Kayirebwa

Yanditswe na

Richard Irakoze & Audace Willy Mucyo

Kuya 24 Gicurasi 2013 saa 09:36
Yasuwe :
0 0

Umuhanzi Cecile Kayirebwa ararega indishyi zirenga miliyoni ijana Sosiyete y’indege itwara abantu n’ibintu Rwandair kuba yarakoresheje indirimbo ye mu butumwa bwamamaza itabimusabiye uburenganzira.
Kuri uyu wa Kane tariki ya 23 Gicurasi 2013, umuhanga mu byo gutunganya amajwi yemeje mu rukiko rukuru rw’ubucuruzi rwa Nyarugenge ko indirimbo yakoreshejwe muri aya mashusho yo kwamamaza ari iyitwa ‘Inzozi’ ya Cecile Kayirebwa.
Uyu muhanga yashatswe n’urukiko ngo yemeze niba koko iyi ndirimbo (...)

Umuhanzi Cecile Kayirebwa ararega indishyi zirenga miliyoni ijana Sosiyete y’indege itwara abantu n’ibintu Rwandair kuba yarakoresheje indirimbo ye mu butumwa bwamamaza itabimusabiye uburenganzira.

Kuri uyu wa Kane tariki ya 23 Gicurasi 2013, umuhanga mu byo gutunganya amajwi yemeje mu rukiko rukuru rw’ubucuruzi rwa Nyarugenge
ko indirimbo yakoreshejwe muri aya mashusho yo kwamamaza ari iyitwa ‘Inzozi’ ya Cecile Kayirebwa.

Uyu muhanga yashatswe n’urukiko ngo yemeze niba koko iyi ndirimbo yakoreshejwe muri ubu butumwa bwo kwamamaza ari iya Cecile Kayirebwa nyuma y’aho abunganira Rwandair bavugaga ko nta cyemeza ko iyi ndirimbo ari iye.

Iyi raporo ikaba ari yo yari itegerejwe ngo uru rubanza rwahoraga rusubikwa rukomeze.

Amakuru dukesha KFM avuga ko uburanira umuhanzi Kayirebwa, Me Safari Kizito, avuga ko urukiko rukwiye guhita rushingira kuri iyi raporo maze rugafata umwanzuro w’uko Kayirebwa atsinze naho Rwandair itsinzwe.

Gusa uburanira Rwandair, Me Bonifasi Nizeyimana, we anenga iyi raporo avuga ko itujuje ibisabwa ngo yitwe raporo y’umuhanga kuko itagaragaza ibyagendeweho ngo hagaragazwe ko koko iyi ndirimbo yakoreshejwe ari iya Kayirebwa.

Umwanzuro w’urukiko uzamenyekana kuri uyu wa 26 Kamena 2013.

Kayirebwa aherutse kandi gutsinda ibitangazamakuru bitatu birimo na Orinfor, yareze mu nkiko ko byakoresheje ibihangano bye nta burenganzira.

Ibi bitangazamakuru byasabwe kumwishyura byose hamwe amafaranga angana na miliyoni 8,6 y’u Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza