Kayirebwa yashyizeho umubare ntarengwa w’abazitabira igitaramo cye

Yanditswe na

Munyengabe Murungi Sabin

Kuya 22 Werurwe 2016 saa 11:36
Yasuwe :
0 0

Cécile Kayirebwa, inararibonye mu muziki yateguye igitaramo yise ‘Inganzo ya Kayirebwa’, yagennye ko umubare w’abagomba kuzacyitabira batarenze magana atatu.

Igitaramo ‘Inganzo ya Kayirebwa’ kizaba ku Cyumweru tariki ya 27 Werurwe 2016 mu Mujyi wa Kigali kuri Hôtel des Milles Collines.

Ni nyuma y’iminsi asohoye Album ‘Urukumbuzi’. Ni iya munani Kayirebwa ashyize hanze, igizwe n’indirimbo cumi n’imwe zirimo “Intumwa Zanjye, Abuzukuru, Inzozi Data Yandoteye, Kuki Mwampishe, , Uzanter’ Irungu, Rwagasana, Rwego Rw’ Ingenzi, Ubutumwa, Mbatez’ Igitego n’iyitwa Amatage.

Ku rubuga bwite rwa Kayirebwa hari amabwiriza yihariye agenga igitaramo , imiryango izafungurwa guhera saa kumi n’imwe naho saa kumi n’ebyiri ahite yanzika n’umuziki. Kwinjira ni amafaranga ibihumbi cumi na bitanu ku muntu umwe, imyanya irabaze hazinjira abantu batarenze magana atatu.

Mu gitaramo Inganzo ya Kayirebwa mu mwaka ushize

Mu mwaka ushize yakoze ikindi gitaramo nk’iki, cyabereye i Masaka ahitwa Masaka Farms tariki 29 Werurwe 2015 ahari umubare munini w’abakunda ibihangano bye biganjemo abasheshe akanguhe. Kayirebwa yongeye kwereka abantu ko impano y’ubuhanzi ayifite mu maraso.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza