Knowless yizihije isabukuru ya nyuma mbere yo kwibaruka imfura ye na Clement

Yanditswe na Philbert Girinema
Kuya 2 Ukwakira 2016 saa 01:42
Yasuwe : XX
0

Umuririmbyi Butera Knowles yujuje imyaka 26 ari nako abura igihe gito ngo yibaruke imfura ye na Ishimwe Clement basezeranye kubana nk’umugore n’umugabo kuwa 07 Kanama, nyuma y’igihe kirekire urukundo rwabo ruvugwa n’ubwo bo batahise babyerura.

Mu magambo y’urukundo batangaje bifashishije urubuga nkoranyambaga rwa Instagram, Butera Knowles yavuze ko umwana atwite ariyo mpano ikomeye afite ku munsi we w’amavuko.

Ati “Ni ikintu gikomeye kubona ubuzima bw’undi muntu bugukuriramo. Nta mpano yaruta iyi. Nta yindi mpano y’agaciro kandi ihenze nari nkeneye iruta wowe kamarayika gato.”

Clement Ishimwe nawe yifashishije Instagram avuga ko ari ibyishimo bikomeye nk’umunsi w’amavuko wa nyuma bizihije mbere yo kwibaruka.

Ati “Isabukuru nziza nshuti magara, umugore, mama w’umwana (abana) wanjye (banjye)… Reka tuyishimire ku rwego rwo hejuru nk’umunsi w’amavuko wa nyuma mbere y’uko twibaruka. Nzagukunda kugeza ku isegonda rya nyuma ry’ubuzima bwanjye.”

Knowless na Clement basezeranye imbere y’amategeko bemeranya kuzabana akaramata nk’umugabo n’umugore kuwa 31 Nyakanga 2016 mu muhango wabereye mu Murenge wa Remera.

Ubukwe bwabo imbere y’Imana bwabereye i Nyamata kuwa 07 Kanama muri Golden Tulip Hotel, ibirori byabo bikomeza kugirwa umwihariko ku miryango n’inshuti zabo gusa.

Knowless yiteguye kwibaruka imfura
Clement yashimangiye urukundo akunda umugore we

Amafoto ya Knowless na Clement ku munsi w’ubukwe bwabo


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE