Kwamamaza

Knowless yakorewe ibirori byo kwitegura umwana atwite (Amafoto)

Yanditswe kuya 15-11-2016 saa 13:46' na Munyengabe Murungi Sabin


Umuhanzi Butera Knowless n’umugabo we Ishimwe Clement bari mu byishimo bikomeye mu gihe habura igihe gito ngo bakire imfura y’umuryango wabo mushya baherutse gushinga.

Mu mpera z’icyumweru gishize Knowless Butera yasuwe n’abagore b’inshuti ze bamukorera ibirori bya nyuma byo kwitegura kwakira umwana atwite [Baby Shower] banamugenera impano zitandukanye mu gihe habura igihe gito ngo abyare.

Abazwi cyane mu Rwanda bitabiriye ibi birori harimo umuririmbyi Aline Gahongayire ndetse na Niyonshuti Ange Tricia [umugore wa Tom Close], aba bombi ni inshuti magara z’umuryango wa Knowless na Clement ndetse bakoranye bya hafi kuva batangira kwitegura ubukwe kugeza ubu.

Aline Gahongayire watewe ibyishimo bikomeye no kuba Knowless agiye kubyara, yavuze ko ‘umwana Knowless atwite ari umugisha ndetse ko binejeje’. Yanaremye agatima abagore bihebye batekereza ko bashobora kuba barabaye ingumba, yabibukije ko nta kinanira Imana’.

Yagize ati “Uwaguhaye gutwita azaguha no kubyara [...] Ijambo ryiza ni mugenzi w’Imana. Imana iracyakora, nawe utegereje humura Imana iracyakora, nturi ingumba nawe uzabyara, uzaheka, uzarera, uzashyingira kuko Imana irabishoboye. Imana ihe umugisha ishimwe Butera Knowless Kabebe…”

Knowless ntahwema kugeragaza ko afite amashyushyu n’ubwuzu bwo kubona umwana atwite ndetse umugabo we Producer Clement aherutse gutangaza ko imfura yabo ari umukobwa ndetse azavuka mu gihe cya vuba.

Inshuti za Knowless zamukoreye ibirori byo kwitegura umwana wa mbere

Yagize ati “Mfite ibyishimo bikomeye kuba ngiye kwakira umwana w’umukobwa. Nahoze nifuza kubyara umukobwa. Ntabwo nahita ntangaza itariki nyabo ariko reka tuvuge ko ari vuba aha.”

Knowless na Producer Clement baritegura kubyara nyuma y’amezi atatu barushinze kuko basezeraniye mu Mujyi wa Nyamata mu busitani bwegeranye na Golden Tulip Hotel ku itariki ya 7 Kanama 2016. Isezerano ryabo na Pasiteri wigenga witwa Dr.Joshua Rusine nyuma y’uko Itorero ry’Abadiventisiti ryari ryanze kubashyingira.

Gahongayire yifurije Knowless kuzabyara neza
Knowless yibarutse umukobwa
Bamukoreye ibirori byo mu gihe yitegura kuba umubyeyi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved