Kwamamaza

Ibyishimo byiyongera ku bindi mu rugo rwa Knowless na Clement

Yanditswe kuya 4-11-2016 saa 08:54' na Munyengabe Murungi Sabin


Umunezero hagati ya Knowless na Producer Clement wiyongera umunsi ku munsi, bamaze imyaka itanu irenga mu munyenga w’ibyishimo gusa muri 2016 byabaye ndengakamere.

Knowless na Clement ni amazina yagarutse cyane mu mitwe y’abantu mu Rwanda haba mu itangazamakuru, mu biganiro hagati y’abantu, ku mbuga mpuzabantu na nkoranyambaga ku bw’urukundo rwavuzwe hagati yabo kuva mu mwaka wa 2011.

Aba bombi baravuzwe karahava ndetse hari n’abaririmbyi babakomojeho mu ndirimbo nk’ikimenyetso cy’uko izina rya buri wese ryashinze imizi mu cyitwa showbiz nyarwanda.

Knowless na Clement bavuzwe ubutitsa kuva kuwa 26 Gicurasi 2016 ari nabwo umusore yapfukamye imbere y’uyu muhanzi amwambika impeta amusaba ko yamwemerera akazamubera umugore undi ntiyazuyaza mu maso y’inshuti zabo avuga ko ‘abyemeye n’umutima wose’.

Ibinyamakuru byatyaje ikaramu inkuru zirandikwa, kuva ubwo kugeza ubu Knowless na Clement ntibasiba mu itangazamakuru. Ibyabo byavugishije benshi ku itariki ya 31 Nyakanga ndetse no kuwa 7 Kanama 2016 ubwo bakoze ubukwe bakavuga ko ‘ikaze rihawe abatumiwe gusa’. Inkuru z’ubukwe bwabo ariko zongerewe ingufu na Pasiteri wigenga witwa Dr.Joshua Rusine wabasezeranyije nyuma y’uko Itorero ry’Abadiventisiti ryanze kubashyingira ku mpamvu zitandukanye.

Ubukwe bwaratashye ndetse abageni bamaze igihe gito bavuye mu kwezi kwa buki, ni ibyishimo ntagereranywa hagati yabo biturutse ku ruhurirane rw’ibyiza bagiye babona nyuma yo kurushinga.

Mu ntangiriro z’ukwezi k’Ukwakira 2016 Knowless yasoje icyiciro cya kabiri cya kaminuza muri ULK. Umugabo we Ishimwe Clement yamushimiye byimazeyo agira ati “Nshimiye umugore w’igikundiro nzi mu bariho bose Butera Knowless warangije kaminuza mu by’ibaruramari. Reka tubyishimire mu buryo nyabwo…”

Biracyaza…

Nyuma y’iminsi mike acyishimira ko yasoje kaminuza, Knowless yongeye kugaragaza ko habura igihe gito ngo yibaruka imfura ye na Producer Clement. Aherutse gushyira kuri Instagram ifoto y’uburiri bw’umwana yitegura kwibaruka nk’ikimenyetso cy’uko ‘ari mu gihe cya vuba’. Yayiherekeje amagambo avuga ko ‘afite amashyushyu menshi’.

Ni ibyishimo bizaba biruta ibindi kuri Knowless ugiye kubona umwana wa mbere ndetse Producer Clement yabishimangiye mu kiganiro yagiranye na TNT avuga ko afite amatsiko menshi yo kubona umwana bagiye kwibaruka.

Knowless na Clement bagiye kubyara umukobwa

"Ni umukobwa"

Producer Ishimwe Clement yavuze ko umwana Knowless atwite ari umukobwa ndetse ko azavuka mu gihe cya vuba gusa ntiyatangaje itariki. Inshuti zabo zo zitangaza ko uyu mugore ashobora kwibaruka bitarenze Ugushyingo 2016.

Uyu mugabo washinze inzu itunganya umuziki ya Kina Music yavuze ko mu byifuzo bye ku Mana yahoze yifuza ko yazibaruka umukobwa none bibaye impamo.

Yagize ati “Mfite ibyishimo bikomeye kuba ngiye kwakira umwana w’umukobwa. Nahoze nifuza kubyara umukobwa. Ntabwo nahita ntangaza itariki nyabo ariko reka tuvuge ko ari vuba aha.”

Ni ibyishimo bikomeye mu rugo rwabo
Knowless agiye kwibaruka nyuma y'igihe gito asoje amasomo ya kaminuza

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved