Kwamamaza

Bruce Melody yavuze ko hakoreshejwe ‘Kata’ mu gutanga igikombe

Yanditswe kuya 14-08-2016 saa 00:31' na Munyengabe Murungi Sabin


Itahiwacu Bruce [Bruce Melody] yananiwe kwakira ibyavuye mu irushanwa rya Primus Guma Guma Super Star avuga ko bagennye uwatsinze hakoreshejwe ‘Kata’.

Bruce Melody yari ahanganye n’abahanzi icumi Young Grace, Urban Boyz, Jules Sentore, Allioni, Christopher, Danny Nanone, Danny Vumbi, Umutare Gaby na TBB.

Igikombe cyahawe itsinda Urban Boyz, Christopher yatahanye umwanya wa kabiri mu gihe Bruce Melody wari imbere mu bahabwa amahirwe yo kwegukana umwanya wa mbere byarangiye abaye uwa gatatu.

Bruce Melody amaze gusezererwa ku mwanya wa gatatu, yanditse kuri Facebook agaragaza ko mu gutanga igikombe hakoreshejwe ‘Kata’[bitaciye mu mucyo]. Yihanganishije abafana be ndetse abasaba kudacika intege.

Yagize ati “Bafana ntimutungurwe kuko bibaho ntabwo mu irushanwa haburamo KATA. Gusa ntiducike intege turacyari ‎ibitangaza‬. Abantoye mwese ndabakunda!Peace!”

Uyu muhanzi yabaye uwa gatatu mu gihe mu mwaka ushize yavuyemo ari uwa kabiri inyuma ya Knowless wabaye uwa mbere. Bruce Melody yari imbere mu bahanzi babiri bahabwaga amahirwe gusa byarangiye atahanye miliyoni zirindwi mu gihe mu minsi ishize yavugaga ko yizeye kuzaba uwa mbere akegukana miliyoni 24.

Uko abahanzi bakurikiranye mu guhembwa:

10.Umutare Gaby
9.TBB
8.Danny Nanone
7.Jules Sentore
6.Allioni
5.Young Grace
4.Danny Vumbi
3.Bruce Melody
2.Christopher
1.Urban Boyz

Amafoto Urban Boyz yegukana Primus Guma Guma Super Star


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved