Kwamamaza

Umuraperi Babou yashyize hanze marike y’imyenda ye yise B-Show

Yanditswe kuya 14-06-2013 saa 16:55' na Richard Irakoze


Ku bufatanye n’ikigo Touch Media Design, umuraperi Babou, wujuje imyaka 12 kuri uyu wa Gatanu, yashyize hanze marike y’imyenda yanditseho ijambo B-Show (Bright Show bisobanuye Imyereko Icyeye).
Iyi myambaro irimo imipira isanzwe (t-shirts) n’imipira y’imbeho n’ibindi byerekeranye nayo nk’ingofero.
Aganira na IGIHE, Jerome Paterson, umujyanama w’uyu muraperi yavuze ko iki ari igikorwa gishya cy’ubucuruzi atangije mu rwego rwo kwiteza imbere nk’uko na Jay-Z afite marike y’imyenda yitwa ’Roca Wear’, (...)

Ku bufatanye n’ikigo Touch Media Design, umuraperi Babou, wujuje imyaka 12 kuri uyu wa Gatanu, yashyize hanze marike y’imyenda yanditseho ijambo B-Show (Bright Show bisobanuye Imyereko Icyeye).

Iyi myambaro irimo imipira isanzwe (t-shirts) n’imipira y’imbeho n’ibindi byerekeranye nayo nk’ingofero.

Aganira na IGIHE, Jerome Paterson, umujyanama w’uyu muraperi yavuze ko iki ari igikorwa gishya cy’ubucuruzi atangije mu rwego rwo kwiteza imbere nk’uko na Jay-Z afite marike y’imyenda yitwa ’Roca Wear’, P Diddy akagira iyitwa ’Sean Jeans’, Swizz Beats akagira iyitwa ’Obey’ n’abandi.

Yagize ati “Ni ukugira ngo ni ibindi bintu akora bimuteza imbere cyangwa bimuranga n’abakunzi be bashobora kubibona mu kwagura ubuhanzi bwe”.

Kugira ngo umukunzi w’uyu muhanzi abashe kubona iyi myenda yavugana nawe cyangwa agashakisha izina Paterson kuri Facebook nuko akamusaba iyo yifuza.

Babou witegura gukora ikizamini cya Leta gisoza amashuri abanza., azashyira hanze Album ya kabiri mu mpera z’uyu mwaka wa 2013.

Yatangiye umuziki ubwo yigaga mu mwaka wa kabiri w’amashuri abanza mu 2009. Album ya mbere yayise “Umwana ni Imbuto”

Kuri ubu yashyize hanze indirimbo yise “Akadiho” ari kumwe na Jules Sentore, indirimbo iri mu njyana gakondo.

Imyenda yanditseho ijambo B-Show yatangijwe na Babou
Aha hari tariki ya 24 Ukuboza 2012; mu munsi mukuru wo gusangira n'abana Noheri Babou yagejeje kuri Jeannette Kagame Album ye ya mbere
Babou ari kumwe n'umuraperi Gaël Faye
Imwe mu mipira yashyizwe hanze na Babou
Babou ari kumwe na bamwe mu bo bamufasha mu bikorwa bya muzika bo muri BMCG
Buri tariki 14 Kamena Babou yizihiza isabukuru y'amavuko; ubu arizihiza isabukuru y'imyaka 12 amaze

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 10 August 2016
Copyright © 2009 -2014 - IGIHE Ltd - All Rights Reserved