Ku myaka 13 Babou yunze mu rya politike isaba urubyiruko gukura amaboko mu mifuka

Yanditswe na
Kuya 25 Kanama 2014 saa 05:20
Yasuwe :
0 0

Umwe mu baraperi bakiri bato mu myaka mu Rwanda, Babou yashyize hanze amashusho y’indirimbo Kora ikangurira urubyiruko gukora bashaka icyabateza imbere.
Aganira na IGIHE, Babou yavuze ko Kora irimo ubutumwa bukangurira urubyiruko icyaruteza imbere, akaba yarabikoze mu rwego rwo gutanga umusanzu ku gihugu akoresheje impano yo kuririmba. Amashusho ya Kora yasohokeye rimwe n’iya amajwi yise “So much to say”, Babou akaba avuga ko zombi ziri kuri album ye ya kabiri izasohoka mu mpera z’uyu mwaka. (...)

Umwe mu baraperi bakiri bato mu myaka mu Rwanda, Babou yashyize hanze amashusho y’indirimbo Kora ikangurira urubyiruko gukora bashaka icyabateza imbere.

Aganira na IGIHE, Babou yavuze ko Kora irimo ubutumwa bukangurira urubyiruko icyaruteza imbere, akaba yarabikoze mu rwego rwo gutanga umusanzu ku gihugu akoresheje impano yo kuririmba.

Babou, umuhanzi w'imyaka 13, ari mu myiteguro yo kumurika album ya kabiri.

Amashusho ya Kora yasohokeye rimwe n’iya amajwi yise “So much to say”, Babou akaba avuga ko zombi ziri kuri album ye ya kabiri izasohoka mu mpera z’uyu mwaka.

Iyi album igiye kujya hanze nyuma y’iya mbere Babou yise ‘Umwana ni imbuto’ yagiye hanze mu 2011.

Uyu mwana wiga mu mwaka wa mbere w’amashuri yisumbuye muri St Andre i Nyamirambo, avuga ko nta kibazo afite cyo kubangikanya umuziki n’amasomo ye, kuko agira uburyo ategura gahunda ze. N’ikimenyimenyi avuga ko nyuma yo gutsinda ikizamini cya Leta, ubu yatsinze ku manota 70%.

Paterson, nyirarume wa babou ari nawe ukurikirana ibikorwa bye bya muzika, yabwiye IGIHE ko bari gukora ku buryo umuziki wa Babou wagera ku rwego mpuzamahanga. Ibi bikaba ari bimwe mu byatumye bisunga itsinda ricurangira Babou ndetse akaba ari no gukora indirimbo mu ndimi zitandukanye.

Yagize ati: “Ubu hari gahunda zo gukora umuziki ku buryo Babou arenga imbibe akaba umuhanzi mpuzamahanga, kuri ubu dufite Live band ya BMCG idufasha kuririmba Live”.

Reba Kora ya Babou hano:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza