Asinah yibasiwe bikomeye kubera ifoto igaragaza amabere

Yanditswe na Bukuru JC
Kuya 14 Nyakanga 2017 saa 02:02
Yasuwe :
0 0

Umuhanzi mu njyana ya Dancehall Mukasine Asinah[Asinah Erra] yibasiwe na bamwe mu bafana bamuryoza ifoto yashyize hanze igaragaza igice cy’amabere ye.

Asinah Erra amaze umwaka urengaho amezi make yinjiye mu muziki, aririmba mu njyana ya Dancehall na Afrobeat. Mu gihe gito amaze aririmba yagiye asohora indirimbo zacuranzwe ku maradiyo harimo ‘Izubu’, ‘Game Is Over’ afatanyije na Neg G The General, ‘Happy’, ‘Mapenzi’ n’izindi.

Yari amaze iminsi yifotoza mu buryo busa n’ubushotora abagabo yarangiza akayasakaza ku mbuga nkoranyambaga. Ubwo aheruka kugarukwaho ni mu ntangiriro za Gashyantare 2017 ubwo yasohoraga amashusho yifashe yambaye utwenda two kogana atigisa ikibuno mu mazi n’urundi ruhererekane rw’amafoto yasohoye.

Ku mugoroba wo kuwa 13 Nyakanga 2017, Asinah yashyize hanze ifoto igaragaza igice kimwe cy’amabere ye bituma bamwe bamwibasira abandi bamuvugiriza induru bamushinja ‘kwiyandarika’.

Kuri iyi foto Asinah yambaye ikanzu itukura, idoze ku buryo mu gituza hafunguye ku buryo igice cy’amabere kigaragara ari nabyo byatumye bamwe bamwadukira bakamutuka ariko akirinda kubasubiza.

Mu ntangiriro z’iki cyumweru nabwo Asinah yasohoye ifoto yambaye agakabutura gato k’ikoboyi kamufashe cyane, nabwo yaratutswe cyane aho abenshi bagiye bagaruka ku kuba ‘yabonye igisibo ya Ramadhan kirangiye akongera akiyambika ubusa’.

Kuva yakwinjira mu muziki kugeza ubu, Asinah ni umwe mu bahanzi badasiba mu itangazamakuru, ku mbuga nkoranyambaga akoresha by’umwihariko Instagram na Snapchat akunze gushyiraho amashusho yigaragaza nk’uwasagutswe n’umunezero.

Asinah yibasiwe aryozwa iyi foto

Mu gihe gito gishize yasaga n’uwagabanyije umurindi mu kwifotoza yerekana ibice bimwe by’umubiri gusa mbere y’aho yavugishije benshi bitewe no kwereka abamukurikira kuri Instagram amafoto agaragaza amatako, kwambara ubusa mu rwogero n’andi atandukanye.

Mu bitekerezo bishyirwa ku mafoto ya Asinah, bamwe bamubwira ko ‘ashobora kuba yari yarabereye umutwaro uwo bahoze bakundana Riderman’ abandi bakamubwira ko yifotoza atya agamije gucumuza abagabo no kwerekana ko ari mwiza. Ibi byose, nta kintu Asinah asubiza.

Kuri iyi foto nabwo Asinah yayitukiweho mu ntangiriro z'iki cyumweru

Mu minsi ishize yarifotozaga akavugisha abantu...


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza