Asinah yashyize hanze amashusho y’indirimbo ‘Game is over’

Yanditswe na Munyengabe Murungi Sabin
Kuya 3 Nzeri 2016 saa 08:26
Yasuwe :
0 0

Mukasine Asinah, umuhanzi mu njyana ya Dancehall yasohoye amashusho y’indirimbo yise ‘Game is over’ yafatanyije n’umuraperi Neg G The General.

Asinah agiye kumara umwaka mu ruhando rwa muzika, yatangiye aririmba mu njyana ya Dancehall ndetse album ya mbere ari gukora izaba igizwe n’indirimbo ziganjemo izifite umudiho wa Kinyafurika na Jamaica.

Afite indirimbo zizwi cyane harimo “Iz’ubu” na ‘Do It’ aherutse gushyira hanze mu buryo bw’amashusho. Izi ndirimbo zombi ni zo zamumenyekanishije nk’umuhanzi, ubu yasohoye amashusho ya ‘Game Over’ yakoranye n’umuraperi Neg G The General, ahamya ko igiye kumwongerera imbaraga mu muziki.

Yabwiye IGIHE ko ‘Game is over’ iri mu mishinga ikomeye amazeho iminsi ndetse ko kuyifatira amashusho no gukurikirana imirimo yo kuyatunganya byamutwaye imbaraga nyinshi.

Ati “Iyi ndirimbo iri mu mishinga maze iminsi nkoraho, nari mfite izindi ndirimbo muri studio ariko nsanga gushyira hanze indi audio ntaraha abafana banjye video bitaba bimeze neza. Iyi nimara kujya hanze nzasohora izindi nazo mpamya ko zizaba zifite imbaraga.”

Asinah yavuze ko afite indi mishinga ikomeye ateganya kuzajya gukorera hanze y’u Rwanda gusa ngo ntiyatangaza byeruye abahanzi bo hanze azakorana na bo mu gihe bataranoza amasezerano.

Ati “Navuganye n’abantu bakomeye bashaka kumfasha mu muziki wanjye, hari ibyo turi kunoza mbere y’uko njyayo […] Ntabwo nahita mvuga uko bimeze kuko bitararangira ariko byose nzabitangaza abafana babimenye.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza