Benengango bacucuye imodoka ya Ama G The Black

Yanditswe na Munyengabe Murungi Sabin
Kuya 8 Kamena 2014 saa 10:24
Yasuwe :
0 0

Ubwo yari avuye kuririmba i Gicumbi umuraperi Ama G The Black yasanze aho yari yaparitse imodoka ye mu mujyi wa Kigali abajura bayigabije bavanamo ibikoresho bifuza barangije barigendera. Ijoro ryo kuri uyu wa Gatandatu tariki ya 07 Kamena 2014 ntiryabereye ryiza uyu muraperi dore ko mu gihe bagenzi be bari bishimiye ko bavuye gutaramana n’abafana babo i Gicumbi we yasanze imodoka ye yafunguwe n’abajura bibamo ibyo bifuza.
Mu kiganiro Ama G The Black yagiranye na IGIHE nyuma gato ya saa (...)

Ubwo yari avuye kuririmba i Gicumbi umuraperi Ama G The Black yasanze aho yari yaparitse imodoka ye mu mujyi wa Kigali abajura bayigabije bavanamo ibikoresho bifuza barangije barigendera.

Ama G yibwe avuye kuririmba mu mujyi wa Gicumbi

Ijoro ryo kuri uyu wa Gatandatu tariki ya 07 Kamena 2014 ntiryabereye ryiza uyu muraperi dore ko mu gihe bagenzi be bari bishimiye ko bavuye gutaramana n’abafana babo i Gicumbi we yasanze imodoka ye yafunguwe n’abajura bibamo ibyo bifuza.

Mu kiganiro Ama G The Black yagiranye na IGIHE nyuma gato ya saa mbili z’ijoro ari nabwo yari arimo gukurikirana ikibazo cy’iyi modoka ye, yadutangarije ko bamwibye radiyo yo mu modoka, igikapu cyari cyirimo, ibikoresho byo mu modoka bifunga inzugi, agatabo yifashisha mu kubikuza amafaranga kuri banki n’ibindi.

Yafataga icyo kunywa i Gicumbi atazi ko imodoka ye benengango bayigabije

Ama G ati, “Sha imodoka nari nasize nyiparitse imbere ya T2000 mu mujyi, nayisigiye abashinzwe kwishyuza parking nyine. Ngarutse mvuye i Gicumbi, nayikubise amaso nsanga irafunguye numva umutima uransimbutse.”

Akomeza agira ati, “ Ngezemo nasanze Radio bayiteruyemo, bavanamo ibyuma bifunga inzugi, sha bagiye bavanamo ibyo bashaka kabisa. Hari agatabo nkoresha mbikuza amafaranga na ko bakajyanye, igikapu nari nasizemo nacyo bagitwaye, mbese ni danger”

Iyi niyo modoka ya Ama G gusa muri iyi minsi yayisize irangi ry'umutuku

Ama G amaze kuganira n’abo yari yasize ayirindishije ariko ntibayicunge neza kugeza ubwo abajura babaca mu rihumye bakayiba, bemeranyije ko kuwa Mbere tariki ya 09 Kamena uyu muraperi azabasanga ku cyicaro cya sosiyete yishyuza parking mu mujyi wa Kigali agahabwa indishyi z’ibyibwe mu modoka ye.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza