Active, ababyinnyi beza kurusha kuririmba-VIDEO

Yanditswe na Munyengabe Murungi Sabin
Kuya 1 Nyakanga 2014 saa 04:13
Yasuwe :
0 0

Derek , Tizzo na Olivis, ni abahanzi batatu bagize itsinda rya Active. Bazwi cyane nk’abategura urubyiniro no guhanga udushya mu buryo buba bufite umwihariko ugereranyije n’abandi bahanzi nyarwanda. Mu gitaramo cya kabiri cya Live cyabereye i Muhanga aba basore bongeye kugaragaza ko bafite ubuhanga bukomeye cyane mu kubyina kurusha kuririmba.
Ntibivuze ko Active itazi kuririmba, oya. Kuririmba nabyo barabizi ariko ibyiza birarutana. Umwe mu mwihariko abagize Active bafite ni ukubyina iyo (...)

Derek , Tizzo na Olivis, ni abahanzi batatu bagize itsinda rya Active. Bazwi cyane nk’abategura urubyiniro no guhanga udushya mu buryo buba bufite umwihariko ugereranyije n’abandi bahanzi nyarwanda. Mu gitaramo cya kabiri cya Live cyabereye i Muhanga aba basore bongeye kugaragaza ko bafite ubuhanga bukomeye cyane mu kubyina kurusha kuririmba.

Ntibivuze ko Active itazi kuririmba, oya. Kuririmba nabyo barabizi ariko ibyiza birarutana. Umwe mu mwihariko abagize Active bafite ni ukubyina iyo baririmba. Bajya guhura buri umwe yari asanzwe agaragaza ko hari ubumenyi afite mu kubyina bya ruzungu.

Aba bahanzi baza ku isonga mu babashije gutegura neza urubyiniro rwabo, kwigaragariza abafana(performance) no kwambara neza.

Uburyo aba bahanzi baririmba banabyina, bushimisha benshi mu bakurikira umuziki wabo kuko iteka abantu baba bategereje igishya bari bukore.

Mu mbyino zabo, Active ihora itungurana kuko byibuza buri gihe iyo bagiye kubyina ntibabura akantu k’umwihariko bazana.

Mu gitaramo cya Live abahanzi bahatanira PGGSS bakoreye i Muhanga, Active iza ku isonga mu baryoshya ikirori no gutegura neza urubyiniro, kwiyereka abafana no kugaragaza ko kuba umuhanzi mwiza bidasaba kugoroba ijwi gusa.

Nk’uko byagendaga mu bitaramo bya playback byagiye bibera hirya no hino mu Rwanda, Active yagiye igaragaza umwihariko mu bijyanye n’uko baba bagaragara ku rubyiniro, uko bambara n’imibyinire yabo, mu gitaramo cyabereye i Muhanga bongeye kwigaragaza.

Mu bahanzi bashya bagenzi babo bInjiranye muri iri rushanwa bwa mbere, Active iri mu bigaragaza kurusha abandi ugendeye ku buryo aho bagiye baririmba hose benshi babakomera amashyi kandi ari ubwa mbere bababonye.

Mu bisabwa kugira ngo umuhanzi ahabwe amanota meza mu bitaramo bya live muri iri rushanwa, harimo : Kugira abafana benshi (popularity 50%), uko aririmba(performance20%), uko agaragara ku rubyiniro(stage appearance20%) n’ikinyabupfura(Discipline10%).

Nk’uko bitwaye mu gitaramo cya mbere cyabereye i Kigali, mu bisabwa byose, ibyo Active yabashije gukora neza ku nshuro ya mbere, harimo imitegurire y’urubyiniro rwabo, uko bagaragaraga ku rubyiniro n’ikinyabupfura. Ikijyanye no kugaragaza ko bakunzwe n’uburyo amajwi yabo yasohokaga bajyana n’ibicurangisho mu buryo bwa live, ho ntibabashije kwemeza akanama nkemurampaka nubwo katarafata umwanzuro ariko buryo amaso yahaye buri wese wababonye kuri uwo munsi. Ubwo baririmbaga, nta mubare munini w’abafana ugaragara waberetse ko ubakunda cyangwa ubishimiye.

Imiririmbire yabo muri live

Bakigera ku rubyiniro i Muhanga, Active bari bafite gahunda ihamye, ubona ko imyambarire yabo bayihisemo bitewe n’uko bagaragara mu mashusho y’indirimbo zabo bari bagiye kuririmbira abanya-Muhanga.

Batangiye babyina nk’uko basanzwe babimenyereweho maze bahita bakurikizaho indirimbo yabo ituje bise Aisha. Ugereranyije n’uburyo baririmbye i Kigali mu gitaramo cya mbere cya Live, aba basore bagaragaje ko bagenda batera intambwe buhoro buhoro. Iyi ndirimbo bagerageje kuyiririmba neza gusa ijwi rya Tizzo ntabwo ryasohokaga neza.

Bageze ku ndirimbo Ayaya, imiririmbire ya Active yasubiye inyuma ugereranyije n’uko bari baririmbye iya mbere. Kuri iyi ndirimbo amajwi y’aba basore babo ntiyasohokaga neza gusa bagerageje kujyanisha n’ayo majwi atari ameze neza no kubyina kwabo abafana barabyishimira.

Nubwo tutari mu mitima y’abatanga amanota, ingingo ijyanye n’imiririmbire n’igikundiro bya Active biracyari hasi gusa ni abahanzi batanga icyizere ko baramutse basubiye muri iri rushanwa cyangwa mu yandi ajyanye no kuririmba baziyubaka mu buryo bukomeye.

REBA UKO ACTIVE BARIRIMBYE I MUHANGA:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza