Kwamamaza

Urutonde rw’abanyamideli 10 bakize kurusha abandi ku Isi

Yanditswe kuya 31-08-2016 saa 15:57' na Munyengabe Murungi Sabin


Umunyamideli wo muri Brazil, Gisele Bündchen yaje ku mwanya wa mbere mu banyamideli bafite amafaranga menshi mu mwaka wa 2016, imyaka 14 irihiritse uyu mugore ayoboye abandi mu mafaranga.

Ntacyiyerekana mu byo kwerekana imideli no gukora ibitaramo byo kurimba ariko Gisele Bündchen aracyayoboye abo basangiye umwuga mu kwinjiza amafaranga. Uyu mwaka yinjije miliyoni 30.5 z’amadolari, yicaye ku mwanya wa mbere kuva mu mwaka wa 2002.

Forbes magazine yakoze uru rutonde yatangaje ko uyu mugore wamamaye muri filime ‘Taxi, The Devil Wears Prada’ amafaranga menshi yayavanye mu bikorwa byo kwamamaza n’ubufatanye agirana n’ibigo bikomeye by’ubucuruzi.

Gisele Bündchen akorana na Chanel , Carolina Herrera na Pantene, ibi byiyongeraho ibikorwa byo kwamamaza inkweto zikorwa na Arezzo ndetse na SkyTV y’iwabo muri Brazil. Afite kandi ibikorwa bye bwite by’ubucuruzi bibyara inyungu.

Uyu mugore ureshya na 1.8 m amaze kwinjiza miliyoni 430 z’amadolari mu myaka amaze akora iby’imideli. Ku mwanya wa kabiri haje Adriana Lima na we wo muri Brazil, yinjije miliyoni 10.5 z’amadolari.

Kendall Jenner yaje ku mwanya wa gatatu na miliyoni 10 z’amadolari, amafaranga yinjiza yarazamutse ku gipimo cya 150% mu mwaka wa 2016 kubera gukoresha imbuga nkoranyambaga mu buryo bubyara inyungu.

Jenner ayoboye abanyamideli bose bari kuri uru rutonde mu gukurikirwa cyane kuri Instagram. Akurikiwe na miliyoni 64.4 ari nazo zamufashije kwinjiza menshi mu mafaranga kubera ibikorwa yamamaza bya Estée Lauder na Calvin Klein.

1.Gisele Bündchen: $30.5 million (£22 million)

Ni Umunya-Brazil w’imyaka 36, mu 1998 yagaragaye ku gifuniko cy’inyamakuru gikomeye mu Bwongereza ‘Vogue’. Kuva mu mwaka wa 2004 kugeza ubu ayoboye abanyamideli babona amafaranga menshi ku Isi. Ni umugore wa Tom Brady, ubu bafitanye abana babiri.

2. Adriana Lima: $10.5 million (£8 million)

Adriana Lima na we akomoka muri Brazil, amafaranga menshi abona ayavana mu kwamamariza Maybelline, Vogue Eyewear na IWC watches.

Kimwe na Gisele, Adriana afite abana babiri. yarushinganye n’umukinnyi wa NBA,Marko Jarić gusa baje gutandukana mu mwaka wa 2014.

3. Kendall Jenner: $10 million (£7.6 million)

Ni murumuna wa Kim Kardashian, afite imyaka 20 y’amavuko akareshya na 1.79. Kendall Jenner yinjije amadolari miliyoni10 kuva muri Kamena 2015. Muri uyu mwaka amafaranga yinjiza yazamutse ku kigero cya 150%, ni na we wa mbere mu gukurikirwa cyane kuri Instagram mu banyamideli bari kuri uru rutonde.

3. Karlie Kloss: $10 million (£7.6 million)

Karlie Elizabeth Kloss akomoka i Chicago, yujuje imyaka 24 y’amavuko. Yahuriye ku mwanya wa Gatatu na Jenner aho na we yinjije miliyoni 10 z’amadolari.

5. Gigi Hadid: $9 million (£6.8 million)

Kimwe na Jenner, Gigi na we yatangiye ibyo kumurika imideli afite imyaka ibiri. Yamamariza Maybelline , Tommy, Evian, BMW n’andi maduka akomeye muri Amerika.

Yamamaye cyane ubwo umuryango we wagaragaraga mu kiganiro mpamo cyitwa The Real Housewives of Beverly Hills.

5. Rosie Huntington-Whiteley: $9 million (£6.8 million)

Uyu Mwongerezakazi na we w’imyaka 29 yaje ku mwanya wa gatanu na miliyoni 9 z’amadolari. Amafaranga menshi yayakuye mu mibavu ye bwite acuruza, amavuta y’abagore n’ibindi bikorwa byo kwamamaza.

7.Cara Delevingne: $8.5 million (£6.4 million)
Amafaranga menshi yayakuye mu bufatanye mu kwamamaza agirana na YSL Beauty, Burberry na Tag Heur . Ku myaka 24 amaze no gukina muri filime eshatu uyu mwaka harimo “Suicide Squad” n’izindi ebyiri zigiye gusohoka.

8. Candice Swanepoel $7 million (£5.3 million)

Uyu munyamideli w’imyaka 27 yinjije miliyoni zirindwi. Yaje kuri uru rutonde bwa mbere muri 2012, ubu aritegura kubyara umwana wa mbere.

8. Liu Wen: $7 million (£5.3 million)

Liu Wen yabaye umunyamideli wa mbere muri Aziya uje kuri uru rutonde rukorwa na Forbes hari mu mwaka wa 2013, kuva icyo gihe kugeza ubu aza mu banyamideli 10 ba mbere bafite amafaranga.

Yavukiye mu majyepfo y’uburasirazuba bw’u Bushinwa. Ubu afite imyaka 28, atuye mu Mujyi wa New York. Akorana na Estee Lauder na La Perla.

10. Miranda Kerr: $6 million (£4.5 million)

Ni umunyamideli wo muri Australia. Miranda Kerr yamamaye cyane mu by’imideli muri 2012. Mu 1997 ni bwo yinjiye mu mideli icyo gihe yari afite imyaka 13.

Kerr afite umwana w’umuhungu yabyaranye n’umukinnyi wa filime Orlando Bloom. Aherutse gutangaza ko yambitswe impeta y’urukundo n’umwe mu bashinze Snapchat Evan Spiegel.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved