Kwamamaza

Sonia Mugabo yagiye kumurika imideli yahanze muri Madagascar

Yanditswe kuya 4-11-2016 saa 08:00' na IGIHE


Umuhanzi w’imideli ukomeye mu Rwanda, Sonia Mugabo yagiye mu Mujyi wa Antananarivo muri Madagascar aho yitabiriye ibirori by’imideli bikomeye bya Origin Africa Trade Show.

Sonia Mugabo washinze inzu y’imideli ya SM[Sonia Mugabo] mu mwaka wa 2013 yagiye muri Madagascar kwerekana no gucuruza imideli bwite ahangira mu Rwanda. Yajyanye n’irindi tsinda ry’abahanzi b’imideli bagize Haute Baso [yashinzwe na Candy Basomingera na Linda Mukangoga ].

Ibirori by’imideli bya Origin Africa Trade Show biri kubera i Antananarivo ku nshuro ya karindwi, byatangiye kuwa 3 Ugushyingo 2016 bizasozwa kuri uyu wa Gatandatu tariki ya 5 Ugushyingo.

Mu kiganiro na TNT, Sonia Mugabo yavuze ko afite icyizere gikomeye ko iki gikorwa cyatumiwemo Abanyarwanda kizabahesha amahirwe yo kwigaragaza ku rwego rwa Afurika nk’abamaze gutera intambwe ikomeye mu buhanzi bw’imideli.

Yanavuze ko muri Antananarivo we na bagenzi be bazabonerayo amahirwe mashya mu mideli bahanga ndetse ngo bazabona isoko ryagutse ku rwego mpuzamahanga mu bikorwa bakora.

Sonia Mugabo yagiye kumurika imideli yahanze muri Madagascar

Sonia Mugabo n’abagize Haute Baso berekeje muri Madagascar nyuma y’ibyumweru bibiri bakoze ikindi gikorwa gikomeye cyahuje abahanzi b’imideli bibumbiye muri Collective Rw bamuritse imyambaro n’imirimbo bahanze yiganjemo iyo mu Rwanda mu birori bikomeye byabereye muri Kigali Serena Hotel mu ijoro ryo kuwa 14 Ukwakira 2016.

Iyi Collective Rw yashinzwe n’abahanzi b’imideli barimo Sonia Mugabo, Teta Isibo, Mathew Rugamba, Linda Mukangoga na Candy Basomingera.

Igikorwa cya Origin Africa Trade kibereye muri Madagascar nyuma y’uko mu mwaka ushize wa 2015 cyabereye mu Mujyi wa Addis Ababa muri Ethiopia.

Sonia Mugabo(iburyo) ubwo yari mu birori bya Collective Rw mu minsi ishize
Abashinze Haute Baso ubwo baheruka kwitabira ibirori bya Collective Rw

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved