KGL yatangiriye ku ngofero ebyiri imaze kuba ikirango cy’abanyamujyi (Video)

Yanditswe na Mukahirwa Diane
Kuya 15 Mutarama 2021 saa 08:42
Yasuwe :
0 0

Kigali Guardian For Life (KGL) ni ikirango cy’urubyiruko rwibumbiye mu itsinda rya Dawn Central Investment Bureau (DCIB) rikora imyambaro itandukanye. Ryahisemo iki kirango nyuma yo kubona ko hari umubare munini w’Abanyarwanda bambara imyenda iriho ibindi birango bimenyekanisha imijyi y’amahanga nka New York, Atlanta na Chicago.

Mu byo bakora harimo ingofero, imipira y’imbeho ndetse n’inkweto zifunguye zizwi nka ‘sandal’.

Mu myaka iri tsinda rimaze rikora, imyenda n’ingofero zaryo yamaze kwigarurira imitima ya benshi cyane cyane ababa mu mahanga baba bagaragaza ko batewe ishema n’umurwa bakomokamo.

Mu myaka iri tsinda rimaze rikora, imyambaro yaryo yamaze kwigarurira imitima ya benshi cyane cyane ababa mu mahanga baba bagaragaza ko batewe ishema n’aho bakomoka.

Umwe mu bayobozi ba DCIB, Habimana Félix, yabwiye IGIHE ko biyemeje gukora iki kirango kugira ngo bahe Abanyarwanda umwambaro uranga Umurwa Mukuru wabo.

Yagize ati “Twifuje guha Abanyarwanda ikirango cy’umujyi wabo kandi nk’uko ikirango cyacu kivuga Kigali Guardian For Life (KGL) ni ukurinda umujyi wacu tukawurinda mu buryo bwose haba mu mutekano no mu bindi.”

Yakomeje avuga ko banyuzwe n’uburyo abantu bakiriye ikirango cyabo ndetse bibaha umuhate wo gukomeza gukora no kugenda bagura ibikorwa byabo.

Ati “Nk’uko mubizi twatangiye dukora ingofero gusa ariko abakiliya bacu bagenda badusaba ibindi, kuko hazaga umuntu ati njye si nkunda ingofero mwankorera umupira cyangwa inkweto ibi bituma tugenda twagura ibyo dukora.”

Nubwo bagenda batera imbere mu ntangiriro ntabwo byari biboroheye kuko bahuye n’imbogamizi zikomeye zo kubura aho bakoreshereza imyambaro yabo.

Habimana yavuze ko batangiye bafite ikibazo cy’ubushobozi n’aho babuboneye bahura n’ingorane y’inganda zo mu Rwanda zari zitaratera imbere muri icyo gihe.

Yagize ati “Twe twari dufite igitekerezo kandi tubona ari cyiza ariko amikoro yo gutangira aba ikibazo naho tububoneye, ubushobozi bw’inganda zitunganya imyambaro bwari bukiri hasi kugira ngo batunganye ikintu kijye hanze byabaga ari ikibazo.”

Yakomeje avuga ko indi mbogamizi bahuye nayo ndetse n’ubu ikibakomereye ari abantu badaha agaciro ikirango cyabo aho usanga kuri ubu bibasiwe n’abamamyi benshi.

Ati “Hari imbogamizi ikomeye twatangiye duhura nayo kandi n’ubu tugihura nayo y’abantu badaha agaciro igihangano cy’umuntu, babona ikirango cyawe kimaze gukundwa bagatangira kugikora no kugicuruza utabizi nta n’amasezerano mufitanye.”

“Iyo batangiye gukoresha ikirango cyawe mu buryo bashatse bituma gita ireme kuko ibyo bakora nibyo wowe uba ukora biba bitandukanye cyane bikaba byakwangiriza izina mu bakiliya.”

Nubwo bahuye n’imbogamizi zikomeye ariko bagiye bazishakira ibisubizo, kuri ubu barajwe ishinga no guhangana n’ikibazo cy’abigana ikirango cyabo kuko batuma imyambaro yabo ita ireme.

Ubusanzwe imyambaro bakora yari isanzwe igurishirizwa kuri murandasi ndetse no ku bandi bacuruzi babaga bafitanye amasezereno yo gucuruza iyi myambaro.

Habimana yavuze ko mu gukemura iyi mbogamizi bahisemo gushinga iduka ryabo bwite ku buryo uzajya ashaka imyambaro ya KGL azajya aba azi aho yayibariza adahuye n’abamamyi babiyitirira.

Ati “Twahisemo gushyiraho ahantu abakiliya bacu bazajya badusanga kugira ngo tubashe kwibonanira n’abakiliya bacu tubashe kubasobanurira neza ibyo dukora kandi ibyo bizadufasha no kugabanya umubare w’abantu bigana ikirango cyacu.”

“Niba dufite ahantu dukorera umuntu wese azaba azi aho yakura ibicuruzwa bya KGL atagiye kubishakira ahandi, kuko buri muntu wese mu mutwe azaba azi ngo ikirango cya KGL kiri kuboneka aha bitume abatwigana batabona abakiliya.”

KGL imaze imyaka ine ikora ikaba yaratangiriye ku ngofero ebyiri gusa none kuri ubu bafite ubushobozi bwo kugira iduka ririmo imyambaro itandukanye irimo ingofero z’ubwoko butandukanye, imipira ndetse n’inkweto.

Ushaka iyi myamabaro ya KGL ashora kubasanga aho bakorera i Remera ku muhanda, KN 5 Rd cyangwa ukabahamagara kuri 0786876323 na 0784106212.

KGL yiyemeje gufungura iduka mu guhangana n'abigana ikirango cyabo
Batangiriye ku ngofero ebyiri ariko kuri ubu bamaze kugera ku rwego rwo gukora imyambaro itandukanye
Kuri ubu bakora ingofero zo mu bwoko butandukanye
Muri KGL hakorerwamo imipira yo kwifubika ikunzwe n'abatari bake
Batangiye no gukora inkweto zifunguye
Ingofero ya KGL ikunda kugaragara yambawe n'ibyamamare, umuririmbyi Alpha Rwirangira ni umwe mu bakunze kuyirimbana
Meddy Saleh wamamaye mu gutunganya amashusho na we akunze kugaragara mu myambaro ya KGL
Myugariro w'Ikipe y'Igihugu Amavubi, Rwatubyaye Abdoul, na we ari mu bakunzi b'ingofero za KGL
Sonia Rolland nawe ubwo aheruka mu Rwanda yagaragaye yambaye ingofero ya KGL
Aba bakobwa bazwi nka Mackenzies ni bamwe mu bakunze kugaragara bambaye ingofero za KGL
Umuhanzi wo muri Tanzania, Ommy Dimpoz aha nawe yari yambaye ingofero ya KGL
Miss Rwanda 2020 Nishimwe Naomi mu ngofero ya KGL
Izi ngofero zikunzwe cyane n'Abanyarwanda baba mu mahanga
KGL yabaye ikirango cy'ubusirimu ku nkumi n'abasore
Ingofero zo muri KGL zikunzwe n'abatari bake mu Rwanda
Izi ngofero ziboneka mu moko atandukanye
Mu ngofero KGL ikora harimo n'iz'ubudodo
KGL yatangiye gukora n'inkweto zifunguye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .