Kwamamaza

Ibirori by’imideli gakondo bizahuza abo mu bihugu birindwi

Yanditswe kuya 16-09-2016 saa 07:55' na Munyengabe Murungi Sabin


Mu Rwanda hagiye kubera ‘Rwanda Cultural Fashion Show’, imurika ry’imideli ya Kinyarwanda ku nshuro ya kane bizitabirwa n’abahanzi b’imideli bazaturuka mu bihugu birindwi.

Muri uyu mwaka, ibirori byo kurimba bya ‘Rwanda Cultural Fashion Show’ byabaye mu bice bibiri, icya mbere cyabaye ku itariki ya 13 Gicurasi 2016 cyari umusogongero no kwerekana uko ibirori nyamukuru byo kuwa 24 Nzeri 2016 bizaba biteguwe.

Ibirori nyir’izina bizabera kuri Sports View Hotel i Remera kuwa 24 Nzeri 2016, bizahuriza hamwe abahanzi b’imideli [fashion designers] bazava mu bihugu birindwi birimo Rwanda, Kenya, Leta Zunze Ubumwe za Amerika, Repubulika Iharanira Demokarasi ya Congo,Tanzania, Nigeria na Uganda.

Abahanzi b’imideli 12 bazerekana ubwoko bw’imideli bugera kuri cumi na bubiri mu byiciro byose haba mu myambaro y’abagore n’iy’abagabo. Muri aba bahanzi b’imideli bitezwe muri Rwanda Cultural Fashion Show harimo batandatu bo mu Rwanda gusa abandi bazaturuka hanze y’igihugu.

Abo mu Rwanda barimo Augustin Hakizima (azerekana uko mu Rwanda rwo hambere bambaraga), Umurerwa Jossete, Inzovu Village: african print & Batik, Odette SCH ltd na Mutuyeyezu Marie Paule, N&S creations[ni abahanzi bakizamuka bibumbiye hamwe].

Kenya izaba ihagarariwe na Vinn Clizz uzerekana imyenda abagabo barimbana, ndetse na Tanzania izaba ifitemo umwe witwa Hameed Abdul ugiye kuza mu Rwanda ku nshuro ya kabiri. Igihugu cya Uganda kizaba gihagarariwe na Robinah U5, bo bazerekana ibyiganjemo imirimbo igezweho n’imyambaro y’abana.

Muri Leta Zunze Ubumwe za Amerika hazaza uwitwa Nancy Zeller, Anne Dickson wo muri Nigeria na Patricia Kinga wo muri RDC uzerekana imyenda ikunze kwifashishwa mu birori by’ubukwe.

Mu gutegura Rwanda Cultural Fashion Show izaba kuwa 24 Nzeri 2016, Ntawirema Celestin umuyobozi w’igikorwa avuga ko yabanje gukora ingendoshuri mu bindi bihugu yigira ku bandi uko bategura ibikorwa nk’ibi.

Ati “Igikorwa kirihariye kuko nakoze ingendoshuri mu bindi bihugu nigira ku bandi. Nagiye muri Dubai Fashion Week, Singapore, Hong Kong, aho hose narebye ukuntu bakora. Mu gikorwa twateguye nagerageje gufata abahanga imideli [Fashion Designers] b’abahanga bazerekana ibintu bizima, ikindi ni uko tuzakora ibintu biri ku murongo.”

Yongeraho ati “Muri rusange icyo abantu bakwitega ni uko bizaba ari byiza cyane kuko bazabasha kubona imyenda myinshi kandi myiza. Uburyo bwo kwicara buzaba bumeze neza kuko buri tike izaba irimo icyo kunywa. Ikindi ni uko n’umuntu uzazana n’umuryango twabateganyirije uburyo abantu bane bazicarana ahantu hamwe kandi bakabona icyo kunywa."

Abanyamideli 30 baziyerekana muri ibi birori, harimo bane bazaturuka muri Kenya n’abandi babiri bazava muri Tanzania, abasigaye bose ni abasanzwe bakora uyu mwuga barimo n’abashya bo mu Rwanda.

Mu myaka ine ishize atangije Rwanda Cultural Fashion Show amaze kuzamura abanyamideli barenga ijana ndetse ubu avuga ko ashakisha uburyo yabageza ku rwego mpuzamahanga.

Amafoto y’ibirori by’umusogongero wa Rwanda Cultural Fashion Show byabaye muri Gicurasi 2016:

Makeke Jocktan waturutse muri Tanzania
Berekanye imideli yiganjemo iganisha ku myambarire yo hambere
Imyambarire yaranze Rwanda Cultural Fashion Show
Uyu yari yambaye mu buryo bushushanya ubw'ingabo zo mu gihe cy'abami
Miss Fiona Mutoni Naringwa na we yerekanye imideli

Amafoto y’umwihariko udasanzwe mu birori by’imideli y’ibwami Ntawirema aherutse gutegura i Musanze


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved