Malaika Uwamahoro yateguye ibirori bizamara amasaha 24 ku musozi wa Kanyinya

Yanditswe na Muvunyi Arsène
Kuya 28 Nyakanga 2019 saa 03:25
Yasuwe :
0 0

Malaika Uwamahoro wamamaye mu guhanga imivugo yateguye ibirori bizamara amasaha 24 bibera ku musozi wa Kanyinya.

Ibi ibirori bidasanzwe bizabera mu nkengero z’umujyi wa Kigali ku musozi wa Kanyinya ahantu yise "Wonderland".

Malaika yatangaje ko ibi birori bizamara iminsi ibiri [kuva tariki 2 kugera kuri 3 Kanama 2019] bikazaba birimo kurya, kunywa, kuririmba, kubyina, guterera umusozi, kwifotoza n’ibindi.

Abazabyitabira barasabwa kuzagenda bitwaje imyambaro bazambara ku munsi uzakurikira uwa mbere kuko batazataha ninjoro.

Amasaha nyayo n’ahantu nyirizina bizabera yavuze ko bizatangazwa mu minsi ya vuba.

Malaika asanzawe aba muri Leta Zunze Ubumwe za Amerika. Amaze iminsi ari i Kigali ndetse yagize uruhare mu mukino werekanywe kuri Stade Amahoro mu kwizihiza umunsi wo kwibohora ku nshuro ya 25.

Yamenyekanye bitewe n’imivugo irimo ubuhanga bukomeye yagiye atambutsa mu mihango ikomeye yabaga yitabiriwe na Perezida Kagame nka Rwanda Day.

Ni umukinnyi w’ikinamico uri ku rwego rwo hejuru kuko yanabashije kugira uruhare mu mukino witwa Miracle In Rwanda ushingiye ku buhamya bwa Immaculée, werekaniwe i Broadway muri New York.

Malaika afite n’impano yo gukina filime no kuririmba.

Malaika Uwamahoro wamamaye mu guhanga imivugo yateguye ibirori bizamara amasaha 24 bibera ku musozi wa Kanyinya.
Malaika Uwamahoro ni umusizi wamamaye mu mivugo
Uwamahoro yamenyekanye bitewe n'imivugo irimo ubuhanga bukomeye yagiye atambutsa mu mihango ikomeye yabaga yitabiriwe na Perezida Kagame nka Rwanda Day.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza