Kwizera Peace yamuritse igitabo gitangira umushinga yerekanye muri Miss Rwanda

Yanditswe na Jean Pierre Tuyisenge
Kuya 1 Ukwakira 2016 saa 11:35
Yasuwe : XX
0

Kwizera Peace Ndaruhutse wabaye igisonga cya Mbere cya Nyampinga w’u Rwanda 2016, yamuritse igitabo cya mbere yanditse nk’intangiriro y’umushinga wo kwigisha abana kumenya guhitamo inzira inoze mu kuzagera ku nzozi zabo.

Uyu mu kobwa w’imyaka 20, umushinga yerekanye akiri muri iri rushanwa ry’ubwiza ni uwo kwigisha abana kumenya guhitamo icyerekezo cyiza mu rugendo rw’ubuzima n’inzira banyuramo bakora ibihwanye n’inzozi zabo [career guidance].

Yanditse igitabo yise “Oh Rwandan Child” ku mapaji 32 akubiyemo ubutumwa bugenewe urubyiruko.

Mu kiganiro yagiranye na IGIHE yavuze ko yumva ageze ku nzozi yifuzaga kugeraho agitangira uwo mushinga.

Yagize ati “ Ndanezerewe cyane kuko ngeze ku cyo nashakaga, uyu mushinga nawumuritse nifuza gufasha abana guhitamo inzira ibanogeye mu buzima bwabo, ikindi harimo no kubatoza gukura bakunda gusoma kuko mu gihugu cyacu uyu muco uri hasi cyane.”

Miss Kwizera akomeza avuga ko yahisemo kwandikira abana kuko ngo yasanze mu Rwanda nta bitabo byinshi by’abana bihaba,ndetse ngo usanga bamara igihe bareba Televiziyo bikabaviramo kutitoza gusoma hakiri kare.

Ati “ Usanga abana bafata igihe kinini bareba televiziyo aho gusoma ibitabo byabafasha, natangiranye n’abana kugira ngo batangire kwimenyereza gusoma Icyongereza bakiri bato.”

Akomeza avuga ko azakomeza uwo mushinga ndetse akazandika n’ibindi bitabo mu ndimi zitandukanye zirimo n’Ikinyarwanda.

Mu bantu Miss Kwizera Peace yahisemo gukoresha mu gitabo cye harimo abayobozi bakomeye mu gihugu, ba rwiyemezamirimo biteje imbere, urubyiruko rwihangiye imirimo mu buryo bunyuranye bikaruhira n’abandi, abana bashobora kureberaho bakamenya aho berekeza inzozi zabo.

Miss Kwizera Peace yamuritse ku mugaragaro igitabo yanditse
Kwizera n'Umubyeyi we
Ni igitabo cya mbere Miss Kwizera Peace amuritse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza