Dream Boys yataramiye Abanya-Rubavu nyuma ya Tour du Rwanda ibyishimo birabasaba

Yanditswe na Manzi Rema Jules
Kuya 9 Kanama 2018 saa 08:25
Yasuwe :
0 0

Itsinda rya Dream Boys ku bufatanye na Cogebanque iri mu baterankunga b’imena b’irushanwa rya Tour du Rwanda, ryasusurukije abatuye mu Karere ka Rubavu kasorejwemo agace k’iri rushanwa, barabyina karahava.

Iki gikorwa cyateguwe na Cogebanque mu rwego rwo kwishimana n’abakiliya bayo ndetse n’Abanyarwanda muri rusange, aho yazanye abahanzi bagize itsinda rya Dream Boys rimaze igihe kinini rikunzwe kurusha ayandi yose mu gihugu, kugira ngo rijye risusurutsa abari aho buri gace ka Tour du Rwanda 2018 karangirira.

Nyuma y’agace ka gatanu kakimwe kuri uyu wa Kane kavaga i Karongi gasorezwa i Rubavu, iri tsinda rigizwe na TMC na Platini, ryataramiye abatuye muri uyu mujyi ubundi uzwiho kuryohera abanyabirori, babyina indirimbo zitandukanye zirimo Mumutashye, Ruracyariho, Bucece n’izindi karahava.

Izabayo Claire wari waje kureba aba bahanzi aganira na IGIHE yagize ati “Nishimye cyane kureba amagare, ni umukino nkunda cyane ariko by’umwihariko byanatumye mbona abahanzi nabo nkunda. Bakunda kuza kuririmbira hano i Rubavu ariko nta na rimwe nasiba igitaramo cyabo”.

Mujyambere Louis de Montfort, Umuyobozi ushinzwe ubucuruzi muri Cogebanque, yatangaje ko bazanye Dream Boys i Rubavu kuko ari umwe mu mijyi bazi ko ibamo abantu benshi kandi baba bashaka kwishima.

Yagize ati “Rubavu nk’Umujyi w’igicumbi cy’amagare, twaje kwifatanya nabo mu byishimo bya Tour du Rwanda. Twabazaniye Dream Boys kugira ngo ibataramire, hari tombola zitandukanye zirimo no kubaha amagare, byose mu rwego rwo kubereka ko twe Cogebanque nka banki y’Abanyarwanda tubahoza ku mutima”.

Mujyambere yanashishikarije abatuye aka Karere ndetse n’Abanyarwanda bose gufungura konti nziza kandi zigezweho za ‘Itezimbere’ zifite umwihariko wo kudakatwa amafaranga ya buri kwezi nk’uko bigenda ku zindi.

Iyi banki iza ku isonga mu kuzirikana abakiliya bayo ibagezaho serivise nziza, zihuse kandi ku gihe, yanashyizeho uburyo bushya bwo kohereza no kwakira amafaranga buhendutse, aho ubushaka yegera abayihagarariye hirya no hino mu gihugu bakamufasha.

Platini mu ijwi rye riryoheye amatwi aririmbira abatuye i Rubavu
TMC ku rubyiniro mu mwambaro wa Cogebanque
Abafana bari baje ari benshi cyane kureba iri tsinda
Ab'inkwakuzi batashye bamaze gufunguza konti kandi bikorwa ku buntu
Mujyambere Louis de Montfort, Umuyobozi ushinzwe Ubucuruzi muri Cogebanque ari kumwe na Perezida wa Ferwacy Bayingana Aimable
Mujyambere Louis de Montfort, Umuyobozi ushinzwe Ubucuruzi muri Cogebanque yashishikarije abantu gufungura konti zigezweho za Itezimbere
Umushyushyarugamba 'MC' Buryohe niwe wari uyoboye ibirori

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza