Abahanzi bazaririmba mu gitaramo cyatumiwemo Diamond Platnumz bamenyekanye

Yanditswe na Muvunyi Arsène
Kuya 30 Nyakanga 2019 saa 04:08
Yasuwe :
0 0

Abategura iserukiramuco rya Iwacu Muzika bamaze gushyira hanze urutonde rw’abahanzi bazaririmba mu gitaramo cya nyuma kizanitabirwa na Diamond Platnumz.

Iki gitaramo kizabera muri parikingi ya Stade Amahoro i Remera tariki 17 Kanama 2019. Kizaba ari icya gatanu cya Iwacu Muzika Festival 2019, nyuma y’ibindi byabereye mu mijyi ya Musanze, Rubavu, Huye na Ngoma.

Abahanzi benshi b’abanyarwanda babonye akazi aho muri buri gitaramo habaga harimo abahanzi batandukanye n’abaririmbye mu cyabanje, hakiyongeraho Nsengiyumva François wamamaye nka Igisupusupu wagiye mu bitaramo byose.

East African Promoters Ltd yamaze gushyira hanze urutonde rw’abahanzi bazaririmba mu gitaramo cya nyuma cy’iri serukiramuco uyu mwaka.

Harimo Intore Masamba, Senderi International Hit, Safi Madiba na Marina baririmbye mu gitaramo cy’i Ngoma, Queen Cha na Amalon baririmbye i Rubavu, Bull Dogg wataramiye i Huye na Bruce Melody watangiranye n’igitaramo cyabereye i Musanze.

Hinjiyemo kandi abahanzi bashya bari kwigaragaza cyane muri iyi minsi ari bo Sintex na Bushali ukunzwe cyane mu ndirimbo ye yitwa “Nituebwe”.

Kwinjira ni amafaranga ibihumbi 15 Frw mu myanya y’icyubahiro ku bazagura amatike mbere n’ibihumbi 20 Frw ku bazayagura ku munsi w’igitaramo, n’ibihumbi bitanu mu myanya isanzwe.

Ni igitaramo cya gatatu Diamond Platnumz azaba akoreye mu Rwanda mu mateka ye. Igiheruka cyabaye mu 2017 i Nyamata, ubwo yari kumwe na Morgan Heritage.

Diamond Platnumz azasoza Iwacu Muzika Festival ari kumwe n'abahanzi b'abanyarwanda
Intore Masamba azaririmba mu gitaramo cyo gusoza Iwacu Muzika Festival
Marina yatoranyijwe mu bazaririmba mu gitaramo gisoza Iwacu Muzika Festival
Nsengiyumva François azahurira na Diamond ku rubyiniro
Safi Madiba azaririmbira hamwe na Diamond

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza