Wizkid wababaje abatabarika muri Uganda agiye kuhakorera ibitaramo by’ubuntu

Yanditswe na IGIHE
Kuya 18 Gicurasi 2017 saa 12:11
Yasuwe :
2 0

Wizkid yemeye kuzakorera ibitaramo bibiri by’ubuntu nyuma y’uko yari yashyiriweho impapuro zimuta muri yombi ku bwo kutubahiriza amasezerano yasinyanye n’abari bamutumiye gukorerayo igitaramo muri 2016.

Mu Ukuboza 2016, urukiko rwo mu Mujyi wa Kampala rwandikiye Polisi Mpuzamahanga ruyisaba ko yafata Ayodeji Ibrahim Balogun [Wizkid] agafungwa ku byaha yashinjwaga na kompanyi ya Face TV ari nayo yari yamutumiye mu gitaramo yagombaga kuba yarakoze kuwa 3 Ukuboza 2016.

Face TV ibinyujije mu bayunganira mu mategeko ‘Mwema and Co. Advocates’, yari yasabye ko Wizkid yafungwa akaryozwa ibyaha birimo uburiganya, kubeshya n’ubwambuzi.

Nyuma y’amezi atanu ntacyo arakora ku burakari n’ibibazo yateje muri Uganda ku bwo kutitabira igitaramo yari yatumiwemo, Wizkid yanditse kuri Twitter agaragaza ko ateganya urugendo muri Uganda ndetse akazahakorera ibitaramo by’ubutuntu mu minsi ibiri azahamara.

Impapuro zasabaga ko Wizkid afatwa zanagaragazaga ko ubuyobozi bwateguye iki gitaramo bwifuzaga ko Interpol yafunga na manager we witwa Sunday Are ari na we wahawe igiteranyo cy’amafaranga yose.

Mu gitaramo yari yatumiwemo muri Uganda, Wizkid yari yishyuwe amadolari 60,000 naho umujyanama we Sunday Are ahabwa ibihumbi bitanu n’inyongera y’ibihumbi bitatu yagombaga kubafasha kubaho mu gihe bagombaga kumara muri Uganda.

Face TV igaragaza ko gutegura iki gitaramo byayihombeje agera ku bihumbi 300,000 by’amadolari ubariyemo ibikorwa byo kwamamaza, amatike y’indege, gukodesha ibyuma n’ibindi byose bakoze mu myiteguro ya Wizkid.

Urupapuro rwasabaga ko Wizkid atabwa muri yombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza