Kwamamaza

Video: Perezida Obama n’umugore we babyinnye ‘Thriller’ ya Michael Jackson

Yanditswe kuya 2-11-2016 saa 12:19' na IGIHE


Perezida Barack Obama n’umugore we Michelle Obama batunguranye babyinira abatumirwa babo mu birori byo kwibuka abapfuye bya Halloween byabereye muri White House.

Barack Obama na Michelle Obama bakiriye abanyeshuri bavuka mu miryango y’abasirikare bakomeye muri Leta Zunze Ubumwe za Amerika basangira ibyishimo mu birori bya nyuma bya Halloween bakoreshereje muri White House kuwa 31 Ukwakira 2016.

Icyatunguye abanyeshuri ni uburyo mbere yo gusoza ibirori Barack Obama yafashe ijambo ababwira ko amaze igihe yitoza kubyina imwe mu ndirimbo ndetse ko yifuza kubereka urwego agezeho.

Yagize ati “Tumaze igihe twitoza imbyino ariko sinzi uko bigiye kugenda. Nizeye ko tugiye kugerageza kuyibyina mu buryo bushoboka bikagenda neza.”

Nta gihunga, Perezida Barack Obama na Michelle bahise bigana Michael Jackson mu ndirimbo ye yakunzwe cyane yitwa “Thriller”, urubyiruko rwabafashije kuyibyina mu gihe gito bamaze bishimana muri ibi birori.

“Thriller" ya Michael Jackson yasohotse mu 1982, iri kuri album yitiriwe iyi ndirimbo, Yakozwe na Quincy Jones afatanyije na Jackson.

Nyuma y’imyaka 30 iyi album igiye hanze, ni yo iherutse kuza ku mwanya wa mbere mu zaguzwe cyane kuva Isi yabaho.

Michelle Obama yageragezaga gutwara intoki nka Zombie mu ndirimbo ya Michael Jackson

Ibi birori bya Holloween ni byo bya nyuma Barack Obama na Michelle bakoreshereje muri White House kuko habura igihe gito bakayisohokamo bagasimburwa n’uzatsinda hagati ya Hillary Clinton na Donald Trump bahataniye kuyobora Leta Zunze Ubumwe za Amerika.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved